ព្រឹត្តិការណ៍សមរាត្រី Equinox នឹងឈានមកដល់នៅថ្ងៃស្អែកទី២៣កញ្ញានេះហើយ។ មន្ត្រីអាជ្ញាធរជាតិអប្សរា លោក អ៊ឹម សុខរិទ្ធី បានថ្លែងថានាវេលាម៉ោង៦កន្លះព្រឹកថ្ងៃទី២៣កញ្ញា, ព្រះអាទិត្យនឹងរះចំកំពូលកណ្ដាលនៃ ប្រាសាទអង្គរវត្ត ដែលព្រឹត្តិការណ៍ដ៏កម្រនេះ តែងតែកើតឡើង២ដងតែប៉ុណ្ណោះក្នុងមួយឆ្នាំ។ មុនព្រឹត្តិការណ៍ ឆ្លងកូវីដ១៩, ទេសចរណ៍បរទេសច្រើនពាន់នាក់ ត្រូវគេឃើញបាននាំគ្នារង់ចាំតាំងពីវេលាទាបភ្លឺក្នុងបរិវេណប្រា សាទអង្គរវត្តដើម្បីចាំថតយកព្រឹត្តិការណ៍ដ៏កំរនេះ ដែលតែងឈានមកដល់ក្នុងខែកញ្ញានិងខែមីនា។

សមរាត្រី Equinox គឺជាវេលាដែលរយៈពេលថ្ងៃនិងរយៈយប់មានស្មើគ្នា។ ព្រឹត្តិការណ៍ព្រះអាទិ ត្យ រះចំកំពូលកណ្ដាលនៃ ប្រាសាទអង្គរក្នុងថ្ងៃសមរាត្រីនេះ ត្រូវបានគេចាត់ទុកថាបុព្វបុរសដូនតាខ្មែរនាសម័យដើមនោះ មានការយល់ដឹង និងមានភាពប៉ិន ប្រសប់ខាងផ្នែកស្ថាបត្យកម្ម, ការរៀបចំដែនដី, ផ្នែកតារាសាស្ត្រ, ជំនាញបុរាណវិទ្យា ដែលធ្វើ ឱ្យប្រាសាទអង្គរ វត្តខ្មែររក្សាបាននូវលក្ខណៈពិសេសនេះ ដែលបរទេសតែងកោតសរសើររហូតមកទល់សព្វថ្ងៃ នេះ៕