ព្រលានយន្តហោះអន្តរជាតិតារាសាគរ ខេត្តកោះកុង គ្រោងនឹងបើកដំណើរការសាកល្បងនៅចុងឆ្នាំ ២០២១ ខាងមុខនេះហើយ។ យោងតាមផែនការ, ដំណាក់កាលសាងសង់ នឹងត្រូវបញ្ចប់ក្នុងខែតុលាជិតមកដល់នេះ ដែលនឹងជម្រុញឲ្យដាក់ដំណើរការសាកល្បងហោះហើរក្នុងព្រលានយន្តហោះថ្មីនោះ នៅថ្ងៃទី៣០ធ្នូឆ្នាំ២០២១។

រដ្ឋមន្ត្រីទទួលបន្ទុករដ្ឋលេខាធិការដ្ឋានអាកាសចរស៊ីវិល លោក ម៉ៅ ហាវណ្ណាល់ បានថ្លែងបញ្ជាក់កាលពីថ្ងៃទី ២១កញ្ញា ជុំវិញការគ្រោងដំណើរការសាកល្បងព្រលានយន្តហោះនេះ ក្នុងឳកាសដែលទទួលជួបតំណាងក្រុម ហ៊ុនសាងសង់អាកាសយានដ្ឋានអន្តរជាតិតារាសាគរនោះ។

សូមជម្រាបថា បច្ចុប្បន្នប្រទេសកម្ពុជា មានព្រលានយន្ដហោះអន្ដរជាតិចំនួន៣រួចមកហើយ គឺ ទី១៖ ព្រលាន យន្ដហោះអន្ដរជាតិភ្នំពេញ, ទី២៖ ព្រលានយន្ដហោះអន្ដរជាតិខេត្តសៀមរាប និងទី៣៖ ព្រលានយន្ដហោះអន្ដរ ជាតិ ខេត្តព្រះសីហនុ៕