ជនសង្ស័យដែលបានដាក់បង្កៃគ្រាប់បែកជាប់នឹងទ្រូត្រីនិងបានបណ្តាលអោយមនុស្សម្នាក់បានស្លាប់នៅ ខេត្តសៀមរាបនោះ ត្រូវបានសមត្ថកិច្ចចាប់ខ្លួនបាននិងបញ្ជូនខ្លួនទៅតុលាការហើយ។ គួរបញ្ជាក់ថាបុរស ចំណាស់អាយុ៧៨ឆ្នាំម្នាក់ឈ្មោះ ឆាវ រ៉ាយ ត្រូវបានជនមិនស្គាល់មុខបានបង្កៃគ្រាប់បែកជាប់នឹងទ្រូរបស់ គាត់ នៅផ្លូវរទេះចាស់មួយកន្លែងស្ថិតនៅភូមិរំដេង, ឃុំស្រណាល នៃស្រុកក្រឡាញ់ កាលពីថ្ងៃទី១៩កញ្ញា។ ឃាតករ

ត្រូវសមត្ថកិច្ចបានរកឃើញ គឺជាបុរសអាយុ៦៥ ឆ្នាំឈ្មោះលន់ជីន ដែលបានសារភាពថាគាត់ពិតជាបានបង្កៃ គ្រាប់បែកនោះមែន។ យោងតាមច្បាប់បទ ” ឃាតកម្មគិតទុកជាមុន” តាមបញ្ញត្តិមាត្រា ២០០ នៃ ក្រមព្រហ្មទណ្ឌ នឹងអាចប្រឈមមុខនឹងការជាប់គុក អស់មួយជីវិត ប្រសិនបើតុលាការរកឃើញពីពិរុទ្ធភាព។

បុរសជាឃាតករ ថ្លែងថាការសម្លាប់បុរសអាយុ៧៨ឆ្នាំនោះ គឺដោយសារតែបុរសនោះជាគ្រូធ្មប់ និងបានធ្វើអំពីដាក់ប្រពន្ធគាត់ ដែលជាអ្នកភូមិរស់នៅជាមួយគ្នា។ ជនសង្ស័យ ត្រូវបានចាប់ឃាត់ខ្លួន កាលពីវេលាម៉ោង ១១ និង៣១ នាទីយប់ ថ្ងៃទី ២០ ខែ កញ្ញា ឆ្នាំ ២០២១៕