ក្រុមហ៊ុនហ្វេសប៊ុក គ្រោងនឹងប្តូរឈ្មោះរបស់ខ្លួន
ក្រុមហ៊ុនបណ្តាញទំនាក់ទំនងសង្គមយក្ស Facebook Inc គ្រោងនឹងប្តូរឈ្មោះខ្លួនដោយជំនួសឈ្មោះថ្មី នៅសប្តាហ៍ក្រោយ នេះបើយោងតាមប្លុកបច្ចេកវិទ្យា អាមេរិចឈ្មោះ The Verge ដែលបានរាយការណ៍ កាលពីថ្ងៃអង្គារដោយដកស្រង់ការបំភ្លឺនេះពីប្រភពដែលមានចំនេះដឹងផ្ទាល់អំពីបញ្ហានេះ។
នាយកប្រតិបត្តិហ្វេសប៊ុក លោក Mark Zuckerberg គ្រោងនឹងនិយាយអំពីការផ្លាស់ប្តូរឈ្មោះ នៅក្នុងសន្និសីទប្រចាំឆ្នាំរបស់ ក្រុមហ៊ុននៅថ្ងៃទី ២៨ ខែតុលា ខាងមុខប៉ុន្តែការផ្លាស់ប្តូរឈ្មោះនេះអាចត្រូវបានបង្ហាញឱ្យឃើញឆាប់ជាងនេះ បើយោងតាមសារព័ត៌មាន The Vergeដដែល ។ផ្ទុយទៅវិញជាការឆ្លើយតបលើរឿងនេះ ហ្វេសប៊ុកបាននិយាយថាខ្លួននឹងមិនធ្វើអត្ថាធិប្បាយអំពី“«ពាក្យចចាមអារាម ឬការរំពឹងទុក»នេះទេ។
ព័ត៌មាននៃការកែប្រែឈ្មោះនេះ បានលេចឡើង នៅពេលដែលក្រុមហ៊ុននេះកំពុងប្រឈមមុខនឹងការត្រួតពិនិត្យពីសំណាក់រដ្ឋាភិបាល នៅសហរដ្ឋអាមេរិកកាន់តែច្រើនឡើង ៗ អំពីការអនុវត្តអាជីវកម្មរបស់ខ្លួន។ អ្នកតាក់តែងច្បាប់មកពីគណបក្សទាំងពីរ បានបន្តរិះគន់ក្រុមហ៊ុននេះ ដែលជាការបង្ហាញពីការមិនពេញចិត្តរបស់សភាអាមេរិកជាមួយហ្វេសប៊ុក។ ក៏ប៉ុន្តែវាមិនមែនជារឿងចម្លែកទេ ដែលនៅតំបន់ Silicon Valley ដែលក្រុមហ៊ុនផ្លាស់ណាមួយប្តូរឈ្មោះរបស់ក្រុមហ៊ុនពួកគេ នៅពេលដែលពួកគេចង់ដេញថ្លៃ ពង្រីកសេវាកម្មរបស់ពួកគេ។
ការផ្លាស់ប្តូរឈ្មោះថ្មីនេះ ក៏នឹងឆ្លុះបញ្ចាំងពីការផ្តោតអារម្មណ៍និងយកចិច្តទុកដាក់របស់ហ្វេសប៊ុកលើ ការបង្កើតថាមេតាវ័រ (Metaverse) ដែលជាពិភពអនឡាញមួយដែលមនុស្សអាចប្រើឧបករណ៍ផ្សេងៗដើម្បីផ្លាស់ទី និងទំនាក់ទំនងគ្នាក្នុងបរិយាកាសនិម្មិតបាន។
ប្រភព៖ Aljazeera
