ភ្នំពេញ៖ នាឱកាសព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុកខាងមុខនេះ បងប្អូនប្រជាពលរដ្ឋនឹងមានការជួបជុំគ្នា ឬធ្វើដំណើរតាមទីជិតឆ្ងាយ ពិសេសរាជធានីភ្នំពេញផ្ទាល់។

ដើម្បីចូលរួមទប់ស្កាត់ការរីករាលដាលជំងឺកូវីដ១៩ ខណៈពេលមានការបើកទូលាយវិស័យបន្ថែមទៀតរួមមាន សេដ្ឋកិច្ច ពាណិជ្ជកម្ម និងទេសចរណ៍ ជាដើម រដ្ឋបាលរាជធានីភ្នំពេញសូម ក្រើនរំលឹកដល់បងប្អូនប្រជាពលរដ្ឋដែលនឹងកំពុងសប្បាយរីករាយក្នុងថ្ងៃបុណ្យ កុំឱ្យមានការធ្វេសប្រហែស ប៉ុន្តែត្រូវបន្តប្រុងប្រយ័ត្នខ្ពស់ការពារខ្លួនពីការឆ្លងជំងឺកូវីដ១៩ ដោយអនុវត្តតាមវិធានសុខាភិបាល ពិសេសអនុសាសន៍ដ៏ខ្ពង់ខ្ពស់របស់សម្តេចតេជោនាយករដ្ឋមន្ត្រី គឺ ៣ការពារ ៣កុំ។