រាជធានីភ្នំពេញគ្រោងស្ថាបនាស្ពានអាកាសថ្មីនៅចំណុច ភ្លើង ស្តុបផ្សារស៊ិនជូរីផ្លាហ្សា (Video Inside)
រាជធានីភ្នំពេញ គ្រោងនឹងសាងសង់ស្ពានអាកាសថ្មីមួយកន្លែងទៀត នៅលើផ្លូវសហព័ន្ធរុស្ស៊ីត្រង់ចំណុច ភ្លើង ស្តុបផ្សារស៊ិនជូរីផ្លាហ្សា ក្នុងសង្កាត់កាកាបទី១ នៃខណ្ឌពោធិ៍សែនជ័យ។
អភិបាលរាជធានីភ្នំពេញ លោកឃូង ស្រេង បានបញ្ជាក់ជុំវិញគម្រោងសាងសង់ស្ពានអកាសថ្មីនោះ ក្នុងកិច្ចប្រជុំតាមរយៈ Video Conference មួយ ជាមួយនឹងអាជ្ញាធរខណ្ឌទាំង១៤និងកងកម្លាំង កាលពីល្ងាចថ្ងៃទី២០ធ្នូ។ ការសាងសង់ស្ពានអាកាសថ្មីនៅទីនោះ
ត្រូវមន្ត្រីរដ្ឋបាលរាជធានីបញ្ជាក់ថាដើម្បីជួយដោះស្រាយការកកស្ទះចរាចរណ៍ដែលតែងកើតមានរៀងរាល់ថ្ងៃ នៅតំបន់នោះ។ គម្រោងធ្វើស្ពានអាកាសថ្មីនេះ គឺនៅទន្ទឹមនឹងការដ្ឋានស្ថាបនាស្ពានអាកាស និងផ្លូវក្រោមដីនា រង្វង់មូលចោមចៅ បាន ស្ថាបនា ជិតដល់ពេលបញ្ចប់ចុងក្រោយ៕
