គ្មានការលះបង់ គ្មានរបកគំហើញថ្មី៖ អាមេរិក និងរុស្សីបង្ហាញទុទ្ទិដ្ឋិនិយមមុនការចរចាចាប់ផ្ដើម

កាល​ពី​ថ្ងៃ​អាទិត្យ​ ទី​៩ មករា​​នេះ រុស្សី​លើកឡើង​​ថា​ខ្លួន​នឹង​ធ្វើ​ការ​លះបង់​ណា​មួយ​ក្រោម​សម្ពាធ​របស់​សហរដ្ឋអាមេរិក​ទេ​ ហើយ​បាន​ព្រមាន​ថា​ការ​ចរចា​អំពី​វិបត្តិ​នៅ​ប្រទេស​អ៊ុយក្រែន​នៅ​សប្ដាហ៍​នេះ​អាច​ចប់​មុន​ពេល​កំណត់​ ខណៈ​ពេល​ដែល​សហរដ្ឋអាមេរិក​បាន​និយាយ​ថា​ពួកគេ​មិន​រំពឹង​ថា​មាន​របក​គំហើញ​ថ្មី​ណា​មួយ​ទេ ហើយ​ការ​វិវឌ្ឍ​ណាមួយ​នោះ​គឺ​អាស្រ័យ​លើ​ការ​បន្ថយ​ភាព​តានតឹង​ពី​រុស្សី​។

ជំហរ​តឹងរ៉ឹង​របស់​ភាគី​ទាំង​សង​ខាង​ បាន​បង្ហាញ​យ៉ាង​ច្បាស់​អំពី​ភាព​ផុយ​ស្រួយ​នៃ​ការ​រំពឹង​ទុក​នៃ​ការ​ចរចា​ ខណៈ​ពេល​ដែល​ភាព​តាន​តឹង​រវាង​អាមេរិក​ និង​រុស្សី​បាន​កើន​ដល់​ចំណុច​ខ្ពស់​បំផុត​ចាប់​តាំង​ពី​ការ​បញ្ចប់​សង្គ្រាម​ត្រជាក់​កាល​ពី​ ៣០ ឆ្នាំ​មុន​។

ការ​ចរចា​គឺ​គ្រោង​ចាប់​ផ្ដើម​នៅ​ថ្ងៃ​ចន្ទ​នៅ​ក្រុង​ហ្សឺណែវ​ មុន​ពេល​បន្ត​ទៀត​នៅ​ទីក្រុង​វីយ៉ែន​ និង​ទីក្រុង​ប្រ៊ុចសែល​។ ប៉ុន្តែ​សារព័ត៌មាន​រដ្ឋ​រុស្សី​ RIA បាន​រាយការណ៍​ដោយ​ផ្អែក​លើ​សំដី​របស់​អនុ​រដ្ឋមន្ត្រី​ការបរទេស​រុស្សី​លោក​សឺហ្គេ រីយ៉ាបកូវ​ថា​ការ​ចរចា​ការ​ទូត​អាច​ត្រូវ​បញ្ចប់​បន្ទាប់​ពី​ការ​ជួប​ប្រជុំ​តែ​មួយ​លើក​ប៉ុណ្ណោះ​។ លោក​ រីយ៉ាបកូវ​ ដែល​ជា​អ្នក​ដឹកនាំ​គណៈ​ប្រតិភូ​រុស្សី​ បាន​និយាយ​ថា​រុស្សី​នឹង​មិន​ធ្វើ​ការ​លះបង់​ណាមួយ​ក្រោម​សម្ពាធ ឬ​ការ​គំរាម​កំហែង​ឥត​ឈប់ឈរ​ពី​អ្នក​ចូល​រួម​ក្នុង​កិច្ច​ពិភាក្សា​នោះ​ទេ​។

​រដ្ឋមន្ត្រី​ការបរទេស​អាមេរិក​លោក​អាន់តូនី ប្លីនខេន​ បាន​និយាយ​ថា​លោក​មិន​រំពឹង​ថា​នឹង​មាន​របក​គំហើញ​ថ្មី​ណា​មួយ​ទេ​ ហើយ​ការ​វិវឌ្ឍ​ជាក់​ស្ដែង​ក៏​មិន​អាច​កើត​ឡើង​បាន​ប្រសិន​បើ​រុស្សី​នៅ​បន្ត​ដាក់​ពង្រាយ​ទាហាន​ជិត​ ១០០.០០០ នាក់​នៅ​តំបន់​ព្រំដែន​ជា​មួយ​ប្រទេស​អ៊ុយក្រែន​។ ការ​ដាក់​ពង្រាយ​ទាហាន​រុស្សី​ជិត​ ១០០.០០០ នាក់​នៅ​តំបន់​ព្រំដែន​ជា​មួយ​ប្រទេស​អ៊ុយក្រែន​ បាន​ធ្វើ​ឱ្យ​មាន​ការ​ចោទ​ប្រកាន់​ថា​រុស្សី​កំពុង​ត្រៀម​ធ្វើ​ការ​ឈ្លានពាន​ប្រទេស​អ៊ុយក្រែន​។ ប្រទេស​រុស្សី​បាន​ច្រានចោល​ការ​ចោទ​ប្រកាន់​នេះ ហើយ​និយាយ​ថា​ការ​កសាង​ទំនាក់ទំនង​រវាង​អ៊ុយក្រែន​ជា​មួយ​អង្គការ​ណាតូ​គឺ​ជា​ការ​គំរាមកំហែង​ដល់​សន្តិសុខ​របស់​រុស្សី​។ រុស្សី​បាន​ធ្វើ​ការ​ទាមទារ​ឱ្យ​មាន​ការ​ធានា​សន្តិសុខ​ពី​ណាតូ​ ដែល​រួមមាន​ការ​ប្ដេជ្ញា​មិន​ពង្រីក​សមាជិកភាព​មក​អឺរ៉ុប​ខាង​កើត​ ជា​ពិសេស​អ៊ុយក្រែន​៕

A Russian flag flies next to the US embassy building in Moscow on December 7, 2021. – Russian President Vladimir Putin and US President Joe Biden will hold a video call on December 7, 2021 to deal with military tensions over Ukraine. (Photo by Alexander NEMENOV / AFP)

ប្រភព៖ Reuters

ឆាយ រត្ថា
ឆាយ រត្ថា
លោក ឆាយ រត្ថា ជាបុគ្គលិកផ្នែកព័ត៌មានវិទ្យា នៃអគ្គនាយកដ្ឋានវិទ្យុ និងទូរទស្សន៍ អប្សរា
ads banner
ads banner
ads banner