សារព័ត៌មានអេស្ប៉ាញ៖ សហរដ្ឋអាមេរិក និងអង្គការណាតូប្រាប់រុស្ស៊ីថា ពួកគេកំពុងច្រានចោលការដាក់ពង្រាយអាវុធនុយក្លេអ៊ែរទៅកាន់អឺរ៉ុបខាងកើត
ម៉ាឌ្រីដ៖ មុននេះ រដ្ឋាភិបាលរុស្ស៊ីបានសម្តែងការព្រួយបារម្ភ ចំពោះសកម្មភាពយោធារបស់អង្គការណាតូនៅជិតព្រំដែនរបស់ខ្លួន និងជុំវិញផែនការរបស់សម្ពន្ធមិត្តពួកគេ ក្នុងការពង្រីកខ្លួនបន្ថែមទៀតទៅភាគខាងកើត រួមទាំងនៅអ៊ុយក្រែនផងដែរ។
ជុំវិញបញ្ហានេះដែរ កាសែតអេស្ប៉ាញ អ៊ែរ ផេសស៍ (El Pais) បានចេញផ្សាយថា សហរដ្ឋអាមេរិក និងអង្គការណាតូបានប្រាប់រុស្ស៊ីថា ពួកគេកំពុងបដិសេធអំពីការដាក់ពង្រាយអាវុធនុយក្លេអ៊ែរនៅអឺរ៉ុបខាងកើត ។ កាសែតនេះបានរាយការណ៍ដោយដកស្រង់ការឆ្លើយតបរបស់សហរដ្ឋអាមេរិក និងអង្គការណាតូចំពោះសំណើរបស់រុស្ស៊ីស្តីពីការធានាសន្តិសុខថា យើងបន្តបដិសេធពីការដាក់ពង្រាយអចិន្ត្រៃយ៍បន្ថែម នៃអាវុធវាយប្រហារ ក៏ដូចជាពីការដាក់ពង្រាយអាវុធនុយក្លេអ៊ែរនៅក្នុងបណ្តាប្រទេសនៃអឺរ៉ុបខាងកើត។ កាសែតនេះបន្ថែមថា សហរដ្ឋអាមេរិកបានត្រៀមខ្លួនជាស្រេចដើម្បីពិចារណាពីលទ្ធភាពនៃការចុះហត្ថលេខាលើឯកសារមួយជាមួយរុស្ស៊ីលើបញ្ហាសន្តិសុខដែលមានផលប្រយោជន៍រួម។
កាសែតអេស្ប៉ាញដដែលបានអះអាងថា សហរដ្ឋអាមេរិក និងអង្គការណាតូ ក្នុងការឆ្លើយតបរបស់ពួកគេចំពោះរុស្ស៊ី បាននិយាយថា សំណើរបស់ទីក្រុងម៉ូស្គូអាចជាកម្មវត្ថុនៃការសន្ទនាក្នុងន័យស្ថាបនា៕ ប្រភព៖ Sputniknews
