ភ្នំពេញ៖ប្រជាពលរដ្ឋ និងអាជីវករផ្សារនានា ផ្សាររដ្ឋទាំង២៤ នៅរាជធានីភ្នំពេញ បើមិនអនុវត្តឱ្យបានខ្ជាប់ខ្ជួននូវវិធានការរបស់ ក្រសួងសុខាភិបាលទេ អាជ្ញាធរផ្សារនីមួយៗ គឺមិនអនុញ្ញាតឱ្យចេញ-ចូលក្នុងផ្សារឡើយ។ នេះបើតាមការបញ្ជាក់ឱ្យដឹងពីមន្ដ្រីជំនាញ រដ្ឋបាលរាជធានីភ្នំពេញ កាលពីថ្ងៃទី១៦ ខែកុម្ភៈ ឆ្នាំ២០២២ នេះ។

មន្ដ្រីជំនាញរូបនោះ បានឱ្យដឹងថា ដោយយោងតាមស្ថានភាព កំណើននៃជំងឺកូវីដ-១៩ ប្រភេទអូមីក្រុង បានរីករាលដាល ចូល ក្នុងសហគមន៍ សូមគណៈកម្មការផ្សារនានា ត្រូវបន្ដដាក់កម្លាំង សន្តិសុខនៅតាមច្រកចេញ-ចូល និងដាក់កន្លែងវាស់កំដៅ មានជែល ឬអាល់កុល សម្រាប់លាងដៃនៅតាមច្រកទាំងអស់ និងតម្រូវឱ្ យបងប្អូន ប្រជាពលរដ្ឋ ក៏ដូចជាអាជីវករត្រូវបង្ហាញកាត ចាក់វ៉ាក់សាំង។ បើបងប្អូនប្រជាពលរដ្ឋ និងអាជីវករផ្សារ មិនបានបំពេញតាមលក្ខខណ្ឌការពារទប់ស្កាត់ជំងឺកូវីដ-១៩ ទៅតាមវិធានការ របស់ក្រសួងសុខាភិបាលទេ គឺមិនអនុញ្ញាតឱ្យ ចូលផ្សារឡើយ។

ដោយឡែក គណៈកម្មការផ្សារជម្ពូវ័នបានបញ្ជាក់ថា ចំពោះអ្នក ចេញ-ចូលផ្សារ ដាច់ខាតត្រូវតែអនុវត្តឱ្យ បាននូវវិធានការការ ពារជំងឺកូវីដ-១៩ឱ្យបានខ្ជាប់ខ្ជួន។ បើមិនអនុវត្តឱ្យបានខ្ជាប់ខ្ជួននូ វវិធានការរបស់ក្រសួងសុខាភិបាលទេ គឺគណៈកម្មការផ្សារ មិនអនុញ្ញាតឱ្យចូលក្នុងផ្សារឡើយ។ ការរឹតបន្តឹងលើកិច្ចការពារ ជំងឺរាតត្បាតនេះ គណៈកម្មការផ្សារ បានផ្សព្វផ្សាយតាម ឧឃោសនសព្ទជាប្រចាំនូវវិធានរបស់ក្រសួងសុខាភិបាល ពិសេសអនុវត្តន៍ ៣កុំ និង៣ការពារ របស់សម្តេចតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា ៕ដោយៈ អួន ស្រីរុំ