វ៉ាស៊ីនតោន៖ មេដឹកនាំពិភពលោកបានថ្កោលទោសភ្លាមៗ ចំពោះការវាយ ប្រហារដោយយោធារបស់រុស្ស៊ីលើអ៊ុយក្រែន នៅថ្ងៃព្រហស្បតិ៍នេះ ដោយបណ្តារដ្ឋរបស់លោកខាងលិចបានប្តេជ្ញាថា នឹងដាក់ទណ្ឌកម្មថ្មីលើទីក្រុងម៉ូស្គូ ហើយប្រមុខអង្គការសហប្រជាជាតិទាមទារឱ្យជម្លោះនេះ “បញ្ឈប់ឥឡូវនេះ”។

ប្រធានាធិបតីអាមេរិកលោក ចូ បៃដិន បាននិយាយភ្លាមៗបន្ទាប់ពីប្រតិបត្តិការ យោធារបស់រុស្ស៊ីបានចាប់ផ្តើមថា ការអធិដ្ឋានរបស់ពិភពលោកទាំងមូល គឺនៅជាមួយប្រជាជនអ៊ុយក្រែននៅយប់នេះ ខណៈដែលពួកគេទទួលរងការ វាយប្រហារដោយអយុត្តិធម៌ពីកងកម្លាំងយោធារុស្ស៊ី។

ទន្ទឹមនេះ លោក ចូ បៃដិន បានព្រមានថា រុស្ស៊ីតែម្នាក់ឯងជាអ្នកទទួលខុសត្រូវចំពោះការស្លាប់ និងការបំផ្លិចបំផ្លាញ ហើយថា ពិភពលោកនឹងទទួលខុសត្រូវលើរុស្ស៊ី ៕ ប្រភព ៖ Bangkokpost ប្រែសម្រួលដោយ៖ ឈឹម ទីណា