បរទេស៖ អគ្គលេខាធិការអង្គណាតូលោក ជែនស៍ ស្តូថែនប៊ឺគ បាន និយាយថា រុស្ស៊ីបានជ្រើសរើសផ្លូវនៃការឈ្លានពានប្រឆាំងនឹង ប្រទេស ដែលមានអធិបតេយ្យភាព និងឯករាជ្យ (អ៊ុយក្រែន)។

លោក ស្តូថែនប៊ឺគ បាននិយាយនៅក្នុងសេចក្តីថ្លែងការណ៍មួយ ដោយ ពណ៌នាថា ការវាយប្រហារនេះ ធ្វើឱ្យមានគ្រោះថ្នាក់ដល់ អាយុ ជីវិតជនស៊ីវិលរាប់មិន អស់ ដោយលោកបានបញ្ជាក់ថា វាជាការ រំលោភ បំពានយ៉ាងធ្ងន់ធ្ងរ នៃច្បាប់ អន្តរជាតិ និងការគំរាមកំហែង យ៉ាងធ្ងន់ធ្ងរដល់សន្តិសុខអឺរ៉ុប-អាត្លង់ទិក។

ទន្ទឹមនេះ ឯកអគ្គរដ្ឋទូតអង្គការណាតូនឹងបើកកិច្ចប្រជុំបន្ទាន់មួយ នៅព្រឹក ថ្ងៃព្រហស្បតិ៍នេះ (ម៉ោងក្នុងតំបន់) ដើម្បីពិភាក្សាអំពី ការវាយ ប្រហាររបស់រុស្ស៊ី លើអ៊ុយក្រែន៕
ប្រភព៖ Bangkokpost ប្រែសម្រួលដោយ៖ ឈឹម ទីណា