នាយករដ្ឋមន្ត្រីម៉ាឡេស៊ីលោកដាតុ ស្រ៊ី អ៊ីស្មា អែល សាប្រ៊ី ប៊ីន យ៉ាអាកុប បានបញ្ចប់ដំណើរ ទស្សនកិច្ច២ថ្ងៃក្នុងប្រទេសកម្ពុជាដោយបានជួបជជែកពិភាក្សារយៈពេលច្រើនម៉ោងជាមួយ នឹងសម្តេចអគ្គមហាសេនាបតីតេជោ ហ៊ុន សែន។

ដំណើរទស្សនកិច្ចរបស់នាយករដ្ឋមន្ត្រីម៉ា ឡេស៊ីលើទឹកដីកម្ពុជារវាងពីថ្ងៃទី២៣និង២៤កុម្ភៈសប្តាហ៍នេះ គឺជាដំណើរទស្សនកិច្ចលើក ដំបូងបង្អស់របស់មេដឹកនាំប្រទេសម៉ាឡេស៊ីរូបនេះ។ សម្តេចនាយករដ្ឋមន្ត្រី ហ៊ុន សែន បាន ចាត់ទុកដំណើរទស្សនកិច្ចនេះ ជាព្រឹត្តិការណ៍ប្រវត្តិសាស្ត្រ។