កៀវ៖ ប្រតិបត្តិការយោធានៅអ៊ុយ ក្រែន បង្កការគំរាមកំហែងភ្លាមៗ និងកាន់តែកើនឡើងដល់អាយុជីវិត និងសុខុមាលភាពរបស់កុមារ ៧,៥ លាននាក់របស់ប្រទេសនេះ នេះបើតាមអង្គការមូលនិធិកុមាររបស់អង្គការសហប្រជាជាតិ ហៅកាត់ថា យូនីសេហ្វ (UNICEF) នាថ្ងៃទី២៦ កុម្ភៈ នេះ។

ប្រភពថា តម្រូវការមនុស្សធម៌កំពុងកើនឡើង ខណៈកុមារមានការភ័យខ្លាច តក់ស្លុត និងអស់សង្ឃឹមចំពោះសុវត្ថិភាព។ មនុស្សរាប់សែននាក់កំពុងចលាចល ដែលភាគច្រើនជាស្ត្រី និងកុមារ។ គ្រួសារជាច្រើនត្រូវបានបំបែកចេញពីមនុស្សជាទីស្រឡាញ់របស់ពួកគេ។

ឥឡូវនេះ យូនីសេហ្វ កំពុងពង្រីកការផ្តល់មនុស្សធម៌នៅភាគខាងកើត និងពង្រីកទូទាំងប្រទេស តាមតម្រូវការ៕ ប្រែសម្រលដោយ៖ សារ៉ាត