កំពង់ចាម៖ ឯកឧត្តម វង ភិរុណ អនុរដ្ឋលេខាធិការ ក្រសួង អប់រំយុវជន និងកីឡា និងកុមារីទាំង៦រូប រួមនឹងគ្រូដឹកនាំនៃ ក្លិបក្រុមកុមារី កម្ពុជា ក្នុងកម្មវិធីTechnovation Girl ២០២២ នៅវិទ្យាល័យហ៊ុន សែន ខ្ចៅ ជួបជុំគ្នាក្នុងគោល បំណងជំរុញលើកទឹកចិត្តដល់កុមារី និងយុវតីកម្ពុជាគ្រប់រូប ក្នុងការចាប់យកជំនាញសិក្សាទាក់ទងនឹងបច្ចេកវិទ្យា។

កម្មវិធី Technovation Girl គឺជាកម្មវិធីប្រកួតប្រជែង លំដាប់ថ្នាក់អន្តរជាតិមួយដែលផ្តល់ឱកាសឲ្យក្មេងស្រីដែលមានអាយុចាប់ពី ១០ ទៅ១៨ ឆ្នាំទទួលបានបទ ពិសោធន៍ ទាក់ទងនឹងបចេ្ចកវិទ្យា និង សហគ្រិនភាព ដោយ បំប្លែង គំនិតអាជីវកម្ម របស់ពួកគាត់ទៅជាកម្មវិធីទូរស័ព្ទដៃ ដែល អាចដោះស្រាយបញ្ហានៅក្នុងសហគមន៍របស់ពួកគាត់បាន៕ដោយ-៖រ៉ាវុធ