ហាណូយ៖ ក្រសួងសុខាភិបាលវៀតណាម បានប្រកាស រកឃើញករណីឆ្លងថ្មីៗ នៃជំងឺកូវីដ១៩ចំនួន១៤៧,៣៥៨ ករណីបន្ថែមទៀត កាលពីថ្ងៃទី៧ ខែមីនា ២០២២។

ក្រសួងសុខាភិបាលវៀតណាម ក៏បានប្រកាសពីករណី អ្នកស្លាប់ថ្មីដោយសារជំងឺកូវីដ១៩ចំនួន៧៣នាក់បន្ថែមទៀតផងដែរ។

ក្រុងហាណូយដែលបច្ចុប្បន្នកំពុងប្រែក្លាយជាចំណុចកណ្តាល នៃការផ្ទុះរីករាលដាលជំងឺនេះ បានរ៉ាប់រងសម្រាប់ ករណី ឆ្លង ថ្មីថ្ងៃនេះចំនួន៣២,៣១៧ករណី ខណៈហូជីមិញបាន រាយការណ៍ ចំនួន២,១២០ករណី។

ចំណែកខេត្តដែលមានករណីឆ្លងច្រើនដែរនោះគឺរួមមានដូចជា ខេត្ត Nghệ An មានចំនួន១០,១៥៣ករណី, ខេត្ត Bắc Ninh ៧,៨៧៣ករណី និងខេត្ត Phú Thọ ៤,៣២៦ករណី។

វៀតណាមមានករណីឆ្លងកូវីដ-១៩ សរុបនៅទូទាំង ប្រទេស ចំនួន៤,៥៨២,០៥៨នាក់ ក្នុងនោះអ្នកជំងឺជាសះស្បើយ ចំនួន ២,៧១៨,៤៤០នាក់។ ចំណែកអ្នកស្លាប់សរុបនៅ ត្រឹមចំនួន៤០,៨៩១នាក់៕
ប្រែសម្រួលដោយ៖ សារ៉ាត