លទ្ធផលតួលេខពលរដ្ឋចាក់វ៉ាក់សាំងដូសទី៣ នៅថ្ងៃនេះ មានចំនួនកើនឡើងជាងម្សិលមិញ ។ អ្នកចាក់វ៉ាក់សាំងដូសទី៣ ក្នុងរយៈពេល ២៤ម៉ោងកន្លងមកនេះ មានចំនួន ៥ម៉ឺន ១ពាន់ ៥១៣នាក់ ដែលជាតួលេខចាក់បានកើនឡើងជាងម្សិលមិញ រហូតដល់ចំនួន ៣ម៉ឺន ៣៨៦ នាក់ ។ គិតត្រឹមថ្ងៃនេះ តួលេខអ្នកចាក់វ៉ាក់សាំងដូសទី៣ បានសរុបចំនួន ៧លាន ៤៧ម៉ឺន ៩ពាន់ ៦៥៧នាក់ ។

ដោយឡែកតួលេខអ្នកចាក់វ៉ាក់សាំងដូសទី ៤ នៅថ្ងៃនេះនោះវិញមាន មនុស្សចាក់ចំនួន ១ម៉ឺន ៥២៥នាក់ ដែលជាតួលេខនេះ ជាតួលេខចាក់តិចជាងម្សិលមិញ ។ កាលពីម្សិលមិញតួលេខអ្នកចាក់វ៉ាក់សាំងដូសទី៤ មានសរុបចំនួន ១ម៉ឺន ២ពាន់ ៤៨នាក់។ តួលេខអ្នកចាក់វ៉ាក់សាំងដូសទី៤ រយៈពេល៥៤ថ្ងៃ កន្លងមកនេះ ទើបបានចំនួន ១លាន៣ម៉ឺន ៨ពាន់ ១០៥នាក់តែប៉ុណ្ណោះ ។

កម្ពុជាក្នុងចំណោមពលរដ្ឋ ១៦លាននាក់, ការចាក់វ៉ាក់សាំង ទូទាំងប្រទេសគិតត្រឹមថ្ងៃនេះ បានសម្រេចចំនួន ១៤លាន ៧០ ម៉ឺន ៨ពាន់ ៤០៧នាក់ ដែល ស្មើនឹង៩១,៩៣ ភាគរយ។ នៅជាមួយគ្នានេះផងដែរ សេចក្តីរាយការណ៍បានបង្ហាញដែរថា ក្នុងរយៈពេល១៣ថ្ងៃមកនេះ ការចាក់វ៉ាក់សាំងលើកុមារអាយុក្រោម ៥ឆ្នាំ ទើបបានចំនួន ២៣ម៉ឺន ៣ពាន់ ១៩៩នាក់នោះទេ ដែលស្មើនឹង ៣៨,១៨ភាគរយ នៃគោលដៅចំនួនកុមារ ដែលត្រូវចាក់៕