យោងតាម Mirror បានអោយដឹងថា ERIK TEN HAG ត្រៀមខ្លួនជាស្រេចដើម្បីចាក់ចេញពី Ajax ក្លាយជាអ្នកចាត់ការថ្មីរបស់ Manchester United បន្ទាប់ពីមានការខកចិត្តនឹងជីវិតនៅឯក្លឹបយក្ស Amsterdam ជាមួយនឹងកីឡាករកំពូលៗដែលលក់ចេញជាបន្តបន្ទាប់។

ដោយមានការគាំទ្រច្រើនពីក្នុង Old Trafford បុរសសញ្ជាតិហូឡង់រូបនេះហាក់ ដូចជាបើកចំហរ ក្នុងការប្តូររដូវក្តៅ និងមកដឹកនាំបិសាចក្រហមវិញ។

TEN HAG បាននិយាយថា ការលក់កីឡាករសំខាន់ៗចេញ វាធ្វើអោយពិបាកប្រជែងនៅក្នុងក្របខ័ណ្ឌ Champions League “យើងត្រូវការកីឡាករល្អៗ ហើយ Ajax មិនអាចទិញកីឡាករដែលមានសមត្ថភាពមកវិញបានទេ។”

គួរអោយដឹងផងដែរថា Ten Hag និង Mauricio Pochettino គឺជាអ្នកនាំមុខក្នុងការប្រជែងសម្រាប់ការមកដឹកនាំក្រុមបិសាចក្រហម Manchester United ៕
ប្រភព ៖ The Sun
សារ៉ាន ទីងី