ហាណូយ៖ ក្រសួងសុខាភិបាលវៀតណាមបានប្រកាសថា ប្រទេស នេះមានកូវីដ១៩ ចំនួនជាង១៣ម៉ឺននាក់ទៀត ខណៈដែលថៃមាន ជាង២ម៉ឺននាក់ ក្នុងពេល២៤ម៉ោងចុងក្រោយមកនេះ។

វៀតណាមអះអាងថា ខ្លួនមានវិជ្ជមាន១៣១,៧១៣ករណី បន្ថែម ទៀត កាលពីថ្ងៃទី២១ មីនា និងស្លាប់មនុស្សព្រោះកូវីដ ចំនួន៦៩ នាក់ទៀត។ រីឯប្រទេសថៃវិញបានប្រកាស នាព្រឹកថ្ងៃទី២២ មីនានេះថា ខ្លួនមានវិជ្ជមានកូវីដថ្មីៗ ចំនួន២១៣៨២នាក់ទៀត ស្លាប់៨៣នាក់។

គិតត្រឹមយប់ថ្ងៃទី២១ ខែមីនា វៀតណាមមានករណីឆ្លងកូវីដ-១៩ សរុបនៅទូទាំងប្រទេសចំនួន ៨,០៨៩,៧៦១នាក់។ ក្នុងនោះអ្នក ជំងឺជាសះស្បើយចំនួន ៤,២៨២,៦៦៧នាក់ ចំណែកអ្នកស្លាប់វិញ ចំនួន៤១,៩៤៩នាក់។

ចំណែកប្រទេសថៃវិញ គិតត្រឹមព្រឹកថ្ងៃទី២២ មីនា មានកូវីដ១៩ សរុប កើនដល់ ៣,៣៩៨,៧៩២នាក់ហើយ ជាសះស្បើយវិញ ៣,១៣៧,៥៦១នាក់ ស្លាប់វិញ កើនដល់ ២៤៤១៧នាក់ហើយ៕ ប្រែសម្រួលដោយ៖ សារ៉ាត