នាយកខុទ្ទកាល័យលោក កឹម សុខា លោក មុត ចន្ថា បានប្រាប់អ្នកកាសែតក្រោយជំនួបថា ក្នុងជំនួបពិភាក្សានោះ លោក កឹម សុខា និងឯកអគ្គរដ្ឋទូតបារាំងបានពិភាក្សាគ្នា អំពីបញ្ហាសុខទុក្ខផ្ទាល់ខ្លួន បញ្ហាសុខភាព ជាដើម។

លោកថា ភាគីទាំង២មិនបានពិភាក្សាគ្នាអំពីបញ្ហានយោបាយឡើយ។ ជំនួបនោះបានធ្វេីឡេីងបន្ទាបពី លោក កឹម សុខា ត្រូវបានសាលាដំបូងរាជធានីភ្នំពេញ បានសម្រេចដាក់ឲ្យស្ថិតក្រោមការត្រួតពិនិត្យតាមផ្លូវតុលាការដដែល ប៉ុន្តែទទួលបានការបន្ធូរបន្ថយលក្ខខណ្ឌត្រួតពិនិត្យមួយចំនួន។

លក្ខខណ្ឌថ្មី រួមមាន៖ ក/ មិនត្រូវចេញក្រៅព្រំប្រទល់ដែនដីនៃព្រះរាជាណាចក្រកម្ពុជា។ ខ/ មិនត្រូវធ្វើសកម្មភាពនយោបាយ។ គ/ ត្រូវឆ្លើយតបនឹងការកោះហៅពីគ្រប់សមត្ថកិច្ច៕ធ.ដ