ប្រធានាធិបតីប៉េរូ ដកការបិទខ្ទប់ទីក្រុងលីម៉ា ចំពេលមានការរិះគន់
ប្រធានាធិបតីប៉េរូ លោក Pedro Castillo បានដកការបិទខ្ទប់ ជាកាតព្វកិច្ច ដែលដាក់នៅក្នុងរដ្ឋធានីរបស់ប្រទេស និងទីក្រុងក្បែរនោះ និងជំរុញឱ្យមានការរិះគន់យ៉ាងទូលំទូលាយ បង្កើតជាកំហឹង និងការតវ៉ាថ្មីៗនៅតាមដងផ្លូវនៃទីក្រុងលីម៉ា។
លោក Castillo កាលពីល្ងាចថ្ងៃ ចន្ទ បានបញ្ជាឱ្យអ្នកស្រុកស្នាក់នៅក្នុងផ្ទះរបស់ពួកគេចន្លោះពីម៉ោង ២ ព្រឹកដល់ម៉ោង ១១៖៥៩ នាទីយប់ ម៉ោងក្នុងស្រុក ក្នុងកិច្ចខិតខំប្រឹងប្រែងបង្កើតសន្តិភាព និងសណ្តាប់ធ្នាប់ផ្ទៃក្នុងឡើងវិញ ចំពេលមានការតវ៉ាទូទាំងប្រទេសជុំវិញការកើនឡើងតម្លៃប្រេងឥន្ធនៈ និងអាហារ។
លោកបន្តថា៖ «យើងនឹងដកចេញ [បម្រាមគោចរ] នេះចេញជាបន្ទាន់»។ នេះបើតាមការបញ្ជាពីលោក Castillo កាលពីរសៀលថ្ងៃ អង្គារ រួមជាមួយប្រធានសភា Maria Alva ខណៈដែលគាត់បានកាត់បន្ថយបម្រាមគោចររយៈពេលខ្លីបន្ទាប់ពីម៉ោង ៥ ល្ងាចម៉ោងក្នុងស្រុក។
ការបិទខ្ទប់នៅក្នុងទីក្រុង Lima និងទីក្រុង Callao ជិតខាងបានកើតឡើង បន្ទាប់ពីការតវ៉ាបានផ្ទុះឡើងនៅទូទាំងប្រទេស Andean ចំពេលមានកំហឹង ចំពោះការកើនឡើងនៃថ្លៃប្រេងឥន្ធនៈ និងជី។
រដ្ឋាភិបាល បាននិយាយថា ឡានដឹកទំនិញ និងកម្មករដឹកជញ្ជូនផ្សេងទៀត បានបិទផ្លូវហាយវេធំៗ ហើយយ៉ាងហោចណាស់មនុស្ស ៤ នាក់ បានស្លាប់នៅក្នុងការប៉ះទង្គិចជាមួយប៉ូលីសក្នុងរយៈពេលមួយសប្តាហ៍កន្លងមកនេះ។
ប្រភព៖ Aljazeera
