សម្តេចតេជោបញ្ជាក់ការចូលរូមកិច្ចប្រជុំកំពូលអាស៊ានអាមេរិកនៅ Washington DC (Video Inside)
សម្តេចនាយករដ្ឋមន្ត្រី ហ៊ុន សែន បានបញ្ជាក់នៅថ្ងៃនេះ ជុំវិញដំណើរគ្រោងបំពេញទស្សនកិច្ច ការងារនៅសហរដ្ឋអាមេរិក ដើម្បីចូលរួមក្នុងកិច្ចប្រជុំកំពូលអាស៊ានអាមេរិក។
កិច្ចប្រជុំកំពូលអាស៊ានអាមេរិក នឹងប្រព្រឹត្តទៅនៅក្នុងរដ្ឋធានីវ៉ាស៊ីនតោនរវាងពីថ្ងៃទី១២ដល់១៣ឧសភា។ សម្តេចបញ្ជាក់ថានឹងចាកចេញពីកម្ពុជានៅថ្ងៃទី១០ឧសភា។
យោងតាមសេចក្តីថ្លែងការណ៍របស់កម្ពុជាដែលជាប្រធាន អាស៊ានឆ្នាំ២០២២, កិច្ចប្រជុំកំពូល ពិសេសដែលគ្រោងធ្វើនៅប្រមាណជាង២០ថ្ងៃទៅមុខទៀត នេះ នឹងធ្វើជជែកផ្លាស់ប្តូរ យោបល់អំពីបញ្ហាតំបន់ និងអន្តរជាតិ ដែលជាផលប្រយោជន៍និង កង្វល់រួម។
បើយោងតាមមន្ត្រី នាំពាក្យសេតវិមាន លោកស្រី Jen Psaki នោះវិញ កិច្ចប្រជុំក្នុងរដ្ឋធានី វ៉ាស៊ីនតោន “នឹង បង្ហាញពីការប្តេជ្ញាចិត្តយូរអង្វែងរបស់សហរដ្ឋអាមេរិកចំពោះ អាស៊ាន” ។
