បាងកក ៖ រាជរដ្ឋាភិបាលថៃសង្ឃឹមថា នឹងឃើញការធ្វើដំណើរតាមផ្លូវអាកាសកើនឡើង បន្ទាប់ពីការលើកតម្រូវការ Test & Go ជាមួយនឹងកំណើនទ្វេដង នៃការឡើងយន្តហោះ និងការចុះចត នៅអាកាសយានដ្ឋាន របស់ប្រទេស នៅចុងឆ្នាំនេះ ។

អ្នកនាំពាក្យរដ្ឋាភិបាលថៃ លោកស្រី Traisuree Taisaranakul បាននិយាយ នៅថ្ងៃទី២ ឧសភាថា អាជ្ញាធរអាកាសចរណ៍ស៊ីវិលនៃប្រទេសថៃ រំពឹងថា នឹងមានជើងហោះហើរចំនួន ៨៣៥០០ជើង ក្នុងមួយខែ នៅគ្រប់អាកាសយានដ្ឋានទាំងអស់ ត្រឹមចុងឆ្នាំ២០២២ ពោលគឺកើនឡើងពី ៤៤៥០០ជើង នាពេលបច្ចុប្បន្ននេះ បន្ទាប់ពីការបន្ធូរបន្ថយការរឹតបន្តឹង Covid-19 ។

លោស្រីបន្ថែមថា ការលោតដ៏គួរឱ្យកត់សម្គាល់ត្រូវបានរំពឹងទុកទាំងក្នុងជើងហោះហើរអន្តរជាតិ និងក្នុងស្រុក។
ជាមួយគ្នានេះដែរ ប្រតិបត្តិករទេសចរណ៍ និងអ្នកសម្រាកលំហែកាយបានត្អូញត្អែរអំពីភាពចាំបាច់បន្តចុះឈ្មោះសម្រាប់លិខិតឆ្លងដែនថៃមុនពេលមកដល់ប្រទេស ដោយជំរុញឱ្យរដ្ឋាភិបាលលុបចោលផងដែរ។

នៅថ្ងៃដំបូងបន្ទាប់ពីការចាកចេញរបស់ Test & Go ឬ «តេស្តរួចបានទៅ» បានឃើញអ្នកដំណើរតាមផ្លូវអាកាសប្រហែល ១៧០០នាក់បានទៅដល់ជើងហោះហើរអន្តរជាតិចំនួន៩៦ជើង នៅសុវណ្ណភូមិ និង ៤០០០ នាក់ទៀតពីការចុះចតចំនួន ២៧ជើង នៅអាកាសយានដ្ឋានភូកេត នេះបើយោងតាមក្រសួងដឹកជញ្ជូន។

លោកស្រី Traisuree បាននិយាយថា នាយករដ្ឋមន្ត្រី Prayut Chan-o-cha ពេញចិត្តនឹងដំណើរការពិនិត្យ និងត្រួតពិនិត្យឯកសាររហ័សនៅអាកាសយានដ្ឋានអន្តរជាតិ កាលពីថ្ងៃអាទិត្យ ទី១ ឧសភា ហើយបានថ្លែងអំណរគុណដល់មន្ត្រីទាំងអស់ សម្រាប់ការផ្លាស់ប្តូរដោយរលូននេះ៕ ប្រែសម្រួល៖ សារ៉ាត