ប៉ារីស៖ នាយករដ្ឋមន្ត្រីបារាំង លោក Jean Castix បានដាក់ពាក្យលាលែងពីតំណែង ទៅកាន់ប្រធានាធិបតី លោក Emmanuel Macron នេះបើយោងតាមវិមាន Elysee បានបញ្ជាក់ នៅថ្ងៃទី១៦ ឧសភា។

យ៉ាងណាក្តី ការលាលែងតំណែងរបស់ លោក Castex នេះ ត្រូវបានគេមើលឃើញថា នឹងជួយត្រួសត្រាយផ្លូវសម្រាប់ការរុះរើគណៈរដ្ឋមន្ត្រី ដែលលោកប្រធានាធិបតី Macron បានរង់ចាំជាយូរមកហើយ។ បន្ទាប់ពីជាប់ឆ្នោតឡើងវិញ លោកបាននិយាយថា ក្រុមគណៈរដ្ឋមន្ត្រីថ្មីរបស់លោកគួរតែច្បាស់លាស់ជាងមុន ជាមួយនឹងរដ្ឋមន្ត្រីកាន់តែតិច នេះបើតាមការចេញផ្សាយរបស់ រយធឺ។

លោកស្រី Elisabeth Borne ត្រូវបានគេរំពឹងថា នឹងទទួលបានតំណែងនេះជំនួសលោក Castex បើតាមប្រភពពីទីភ្នាក់ងារព័ត៌មាននៅអង់គ្លេសនេះដដែល៕ ប្រែសម្រួល៖ សារ៉ាត