វីរបុរសរបស់ក្លឹប Manchester United កីឡាករ Cristiano Ronaldo បានបង្ហោះជូនពរដល់អតីតមិត្តរួមក្រុម Marcelo បន្ទាប់ពីការចាកចេញពីក្លឹប Real Madrid ។ កិច្ចសន្យារបស់កីឡាករវ័យ ៣៤ ឆ្នាំនឹងអស់នៅខែនេះ ដើម្បីសម្រេចចិត្តស្វែងរកការប្រកួតប្រជែងថ្មីនៅកន្លែងផ្សេងបន្ទាប់ពីចំណាយពេល ១៥ ឆ្នាំនៅក្លឹប ។

កីឡាករសញ្ជាតិប្រេស៊ីលរូបនេះ គឺជាចំណែកដ៏សំខាន់ក្នុងការជួយក្លឹបឱ្យលើកពានក្នុងស្រុកនិងពានរង្វាន់ Champions League រដូវកាលនេះ ។ Ronaldo បានផ្លាស់ទៅ Madrid ក្នុងឆ្នាំ ២០០៩ ដោយបានចំណាយពេល ៩ រដូវកាលលេងជាមួយតារាសាំបា នៅលើទីលានប្រកួតអំឡុងពេលនៅ Bernabeu ។

បន្ទាប់ពីក្រុម Madrid បានបញ្ជាក់ជាផ្លូវការពីការចាកចេញរបស់ Marcelo ខ្សែប្រយុទ្ធសញ្ជាតិព័រទុយហ្គាល់បានចូលទៅក្នុង Twitter ដើម្បីអបអរសាទរខ្សែការពាររូបនេះ និងបានចែករំលែករូបថតរបស់គាត់ឱបកីឡាករសញ្ជាតិអាមេរិកខាងត្បូងក្នុងកំឡុងថ្ងៃជ័យជំនះរបស់ទីក្រុង Madrid កីឡាករ Ronaldo បានសរសេរថា “លើសពីមិត្តរួមក្រុម ជាបងប្រុសដែលបាល់ទាត់បានផ្តល់ឲ្យខ្ញុំ។

សូមរំលឹកថា Marcelo បានឈ្នះពានរង្វាន់ Champions League ចំនួន៥ ដងនៅ Real Madrid ដែលក្នុងនោះ ៤ដង បានឈ្នះពេលកំពុងលេងជាមួយ Ronaldo ៕