សហរដ្ឋអាមេរិក នឹងនៅបន្តដាក់សម្ពាធកូរ៉េខាងជើង ខណៈទីក្រុងសេអ៊ូលជំរុញឱ្យចិន ប្រើឥទ្ធិពល
រដ្ឋមន្ត្រីការបរទេសអាមេរិក លោក Antony Blinken បាននិយាយកាលពីថ្ងៃ ចន្ទ ថា សហរដ្ឋអាមេរិក នឹងរក្សាសម្ពាធលើប្រទេសកូរ៉េខាងជើង រហូតដល់ទីក្រុងព្យុងយ៉ាងផ្លាស់ប្តូរទិសដៅនយោបាយ ខណៈសមភាគីកូរ៉េខាងត្បូងរបស់លោក បានជំរុញឱ្យប្រទេសចិន បញ្ចុះបញ្ចូលកូរ៉េខាងជើងកុំឱ្យបន្តការសាកល្បងនុយក្លេអ៊ែរឡើងវិញ។
លោក Blinken បានប្រាប់អ្នកយកព័ត៌មាន បន្ទាប់ពីកិច្ចប្រជុំជាមួយរដ្ឋមន្ត្រីការបរទេសកូរ៉េខាងត្បូង លោកស្រី Park Jin សហរដ្ឋអាមេរិក នៅតែបើកចំហរក្នុងការសន្ទនាជាមួយកូរ៉េខាងជើង ប៉ុន្តែទីក្រុងព្យុងយ៉ាង មិនបានអើពើ នឹងការអំពាវនាវនោះទេ ហើយជំនួសមកវិញ នូវការសាកល្បងកាំជ្រួច ហើយបានរៀបចំការត្រៀមលក្ខណៈ ដើម្បីបន្តការសាកល្បងនុយក្លេអ៊ែរជាលើកទីមួយចាប់តាំងពីឆ្នាំ ២០១៧ ថែម ទៀតផង។
លោក Blinken បានប្រាប់អ្នកយកព័ត៌មាន ដោយសំដៅទៅលើការដាក់ទណ្ឌកម្មអន្តរជាតិ ដែលដឹកនាំដោយសហរដ្ឋអាមេរិកលើកូរ៉េខាងជើងថា ដរាបណារបបនៅទីក្រុងព្យុងយ៉ាងមិនផ្លាស់ប្តូរ យើងក៏នៅតែបន្តរក្សាសម្ពាធលើប្រទេស។
លោកស្រី Park បាននិយាយថា ការបង្កហេតុណាមួយ ដោយកូរ៉េខាងជើង រួមទាំង ការសាកល្បងនុយក្លេអ៊ែរ នឹងត្រូវបានឆ្លើយតប ដោយការសាមគ្គីគ្នា ដោយឯកភាព និងរឹងមាំ ហើយបានជំរុញឱ្យប្រទេសចិនប្រើប្រាស់ឥទ្ធិពលរបស់ខ្លួន ជួយអន្តរាគមន៍។
លោកស្រី Park បាននិយាយថា កូរ៉េខាងជើងស្ថិតនៅផ្លូវបំបែកមួយ ដែលខ្លួនអាចបន្តការសាកល្បងនុយក្លេអ៊ែរ ហើយត្រូវផ្ដាច់ខ្លួនពីពិភពលោក ឬត្រូវត្រលប់ទៅផ្លូវការទូត និងការសន្ទនាវិញ។
លោក បាននិយាយថា៖ «ខ្ញុំក៏គិតថាប្រទេសចិនគួរតែដើរតួនាទីវិជ្ជមានខ្លាំងណាស់ក្នុងការបញ្ចុះបញ្ចូលកូរ៉េខាងជើងថា ការរក្សាសន្តិភាព និងស្ថិរភាពនៅលើឧបទ្វីបកូរ៉េទាមទារការគិតថ្មីរបស់ពួកគេ»។
ប្រភព៖ Reuters
