ភ្នំពេញ ៖ ករណីគ្រោះថ្នាក់ចរាចរណ៍ផ្លូវគោក នៅទូទាំងប្រទេស គិតត្រឹមអាទិត្យថ្ងៃទី១៦ ខែសីហា ឆ្នាំ២០២២ ម្សិលមិញ បណ្តាលឱ្យមនុស្សស្លាប់ ៤នាក់ របួសធ្ងន់ ៥នាក់ (ស្រី ២នាក់) និងរបួសស្រាល ២នាក់ (ស្រី ០នាក់)។ ដូច្នេះ សូមធ្វើដំណើរប្រកាន់ខ្ជាប់នូវច្បាប់ចរាចរណ៍ជានិច្ច ។

យោងតាមទិន្នន័យ គ្រោះថ្នាក់ចរាចរណ៍ផ្លូវគោក នៅទូទាំងប្រទេសកម្ពុជា ចេញដោយនាយកដ្ឋាននគរបាលចរាចរណ៍ និងសណ្តាប់សាធារណៈ នៃអគ្គស្នងការដ្ឋាននគរបាលជាតិ បញ្ជាក់ថា នៅថ្ងៃទី១៦ ខែសីហា ម្សិលមិញនេះ បានបញ្ជាក់ថា គ្រោះថ្នាក់ ដែលបង្កឱ្យមានមនុស្សស្លាប់ និងរបួសចំនួន ១១នាក់ គឺកើតឡើងដោយសារការប៉ះទង្គិចគ្នា ចំនួន ៨លើក។

ជាមួយគ្នានោះ នាយកដ្ឋាន ក៏សូមអំពាវនាវដល់បងប្អូន ប្រជាពលរដ្ឋ ទាំងអស់គ្នា សូមធ្វើដំណើរ ប្រកាន់ខ្ជាប់ នូវច្បាប់ចរាចរណ៍ផ្លូវគោកជានិច្ច៕ ដោយ ៖ ឆៃហួត