ភ្នំពេញ៖ លោក ថេង សុថុល អភិបាលខណ្ឌ ៧មករា បានអញ្ជើញត្រួតពិនិត្យការិយាល័យច្រកចេញ-ចូលតែមួយ នៅរសៀលថ្ងៃអង្គារ៍ ទី២៣ ខែសីហា ឆ្នាំ២០២២ ។

ក្នុងឱកាសចុះពិនិត្យការិយាល័យច្រកចេញ-ចូលតែមួយ លោក ថេង សុថុល បានណែរនាំអោយក្រុមការងារ និងមន្ត្រី នៃរដ្ឋបាលខណ្ឌ៧មករា ជួយពន្លឿនការផ្ដល់សេវាសាធារណៈ តាមរយៈការិយាល័យច្រក-ចេញចូលតែមួយ អោយមានប្រសិទ្ធភាព និងតម្លាភាព, នឹងបានបន្តពិនិត្យតាមការិយាល័យនានា ចំនុះរដ្ឋបាលខណ្ឌ៧មករា។

សូមជម្រាបថា នៅថ្ងៃទី២៩ ខែកក្កដា ឆ្នាំ២០២២ សម្តេចតេជោ ហ៊ុន សែន នាយករដ្ឋមន្រ្តីកម្ពុជា បានចេញអនុក្រឹត្យផ្ទេរភារកិច្ច និងតែងតាំងអភិបាលខណ្ឌសរុបចំនួន៩រូប។ នៅក្នុងអនុក្រឹត្យនេះ បានផ្ទេរភារកិច្ចមន្ត្រីរាជការចំនួន ០៦រូប ដោយក្នុងនោះ លោក ថេង សុថុល ឋានន្តរស័ក្ដិឧត្តមមន្ត្រី ថ្នាក់លេខ៥ ត្រូវបានផ្ទេរពីអភិបាល នៃគណៈអភិបាលខណ្ឌចំការមន ទៅជាអភិបាល នៃគណៈអភិបាលខណ្ឌ៧មករា ៕ ដោយ ៖ វណ្ណលុក