ភ្នំពេញ៖ នៅព្រឹកថ្ងៃសុក្រ ៧កើត ខែភទ្របទ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី០២ ខែកញ្ញា ឆ្នាំ២០២២នេះ យោងតាមសេចក្ដីជូនដំណឹង ចុះថ្ងៃទី១៧ ខែសីហា ឆ្នាំ២០២២ របស់រដ្ឋបាលរាជធានីភ្នំពេញ ស្ដីពីការប្រមូលថ្លៃសេវាប្រមូលសំរាម និងសំណល់រឹង នៅរាជធានីភ្នំពេញ សម្រាប់ខែកក្កដា ឆ្នាំ២០២២ ។

រដ្ឋបាលខណ្ឌចំការមន រៀបចំកិច្ចប្រជុំផ្សព្វផ្សាយសេចក្ដីជូនដំណឹង ស្ដីពីការប្រមូលថ្លៃសេវាប្រមូលសំរាម និងសំណល់រឹង នៅរាជធានីភ្នំពេញ ក្រោមអធិបតីភាពលោក កៀង ល័ក្ស អភិបាល នៃគណៈអភិបាលខណ្ឌចំការមន ដោយមានការចូលរួមពីលោកនាយក-នាយករងរដ្ឋបាលខណ្ឌ, លោកប្រធានការិយាល័យចំណុះរដ្ឋបាលខណ្ឌពាក់ព័ន្ធ, លោកចៅសង្កាត់ទាំង០៥, លោក-លោកស្រីប្រធានភូមិទាំង៣៨-ភ្នាក់ងារអនាម័យ នៃសង្កាត់ទាំង០៥ និងមន្ត្រីពាក់ព័ន្ធ។

ជាមួយគ្នានោះផងដែរ លោកអភិបាលខណ្ឌ បានអោយលោក-លោកស្រីប្រធានភូមិទាំង៣៨, ភ្នាក់ងារអនាម័យទាំង០៥ សង្កាត់ យកសេចក្ដីជូនដំណឹងខាងលើ ចែកផ្សព្វផ្សាយដល់ប្រជាពលរដ្ឋអោយបានគ្រប់តាមខ្នងផ្ទះប្រជាពលរដ្ឋ៕ ដោយ ៖ ភារ៉ា និងប៊ុនធី