ហូជីមិញ៖ នាយកដ្ឋានពន្លត់អគ្គិភ័យនៅទីក្រុងហូជីមិញ និងខេត្តដុងណៃ ក្បែរខាង បានរកឃើញហាងខារ៉ាអូខេ ចំនួន ១៤០ទីតាំង មិនបានបំពេញតម្រូវការសុវត្ថិភាពអគ្គីភ័យ។
នគរបាល Dong Nai បាននិយាយថ្មីៗនេះថា ការត្រួតពិនិត្យគួរឱ្យភ្ញាក់ផ្អើលនៅហាងខារ៉ាអូខេចំនួន ១៥០ បានរកឃើញថា ៥០ ក្នុងចំណោមនេះ ខ្វះតម្រូវការសុវត្ថិភាព ទាំងការរចនា ឬឧបករណ៍ ។ ក្នុងចំណោមទីតាំងទាំងនេះ មានបួន អាចត្រូវបានបិទជាបណ្ដោះអាសន្ន។
ជាមួយគ្នានេះ នគរបាលក្រុងហូជីមិញបាននិយាយថា ពួកគេបានត្រួតពិនិត្យបន្ទប់ជួលជាហាងខារ៉ាអូខេ ប្រហែល ៣០០ ហើយបានរកឃើញ ៩០ ក្នុងចំណោមនេះ បានបំពាន ។ នគរបាលបញ្ជាក់ថា កន្លែងខារ៉ាអូខេជិត ៥០០ នៅក្នុងទីក្រុងនឹងត្រូវបានត្រួតពិនិត្យ ដោយក្នុងនោះមានការបិទចំនួនពីរសម្រាប់ការខ្វះវិញ្ញាបនប័ត្រលើតម្រូវការសុវត្ថិភាពអគ្គិភ័យ ។

សុវត្ថិភាពអគ្គិភ័យនៅហាងខារ៉ាអូខេកំពុងទាក់ទាញការចាប់អារម្មណ៍ពីសាធារណជនបន្ទាប់ពីមានអគ្គិភ័យឆាបឆេះហាងមួយក្នុងខេត្ត Binh Duong ក្បែរទីក្រុង HCMC បានសម្លាប់មនុស្ស ៣២ នាក់កាលពីយប់ថ្ងៃអង្គារ។ សមត្ថកិច្ចសង្ស័យថា មូលហេតុនៃការឆាបឆេះនេះ អាចមកពីទុស្សេខ្សែភ្លើង ក្នុងបន្ទប់ក្នុងអគារ ៣ជាន់ ។
កាលពីថ្ងៃព្រហស្បតិ៍ នៅក្នុងសេចក្តីប្រកាសរបស់ខុទ្ទកាល័យរដ្ឋាភិបាល ដែលបានដកស្រង់សម្តីរបស់លោកនាយករដ្ឋមន្រ្តី Pham Minh Chinh បានបញ្ជាឱ្យទីក្រុង និងខេត្តរឹតបន្តឹងការគ្រប់គ្រងលើហាងខារ៉ាអូខេ និងផ្អាកអាជីវកម្មដែលមិនគោរពតាមគោលការណ៍សុវត្ថិភាពអគ្គិភ័យ។ ការិយាល័យបានបញ្ជាឱ្យហាងខារ៉ាអូខេទាំងអស់ត្រូវតែមានច្រកចេញសង្គ្រោះបន្ទាន់ទីពីរ ទាំងតាមយ៉រ ដំបូល ឬជណ្តើរ៕ ប្រភពពី VNexpress, ដោយ៖ សារ៉ាត