តូក្យូ៖ មន្ត្រីអាកាសធាតុជប៉ុនបាននិយាយថា ព្យុះទីហ្វុង ណានម៉ាឌុល (Nanmadol) ដ៏ធំ និងខ្លាំងក្លា ត្រូវបានគេព្យាករណ៍ថា ទៅដល់ខេត្ត អូគីណាវ៉ា (Okinawa) និងតំបន់ អាម៉ានី (Amami) នៃខេត្ត កាហ្គូស៊ីម៉ា (Kagoshima) នៅថ្ងៃសៅរ៍ ហើយព្យុះនេះទំនងជាខិតជិតតំបន់ Kyushu នៅថ្ងៃអាទិត្យចុងសប្តាហ៍នេះ។

មន្ត្រីទីភ្នាក់ងារឧតុនិយមបាននិយាយថា Nanmadol មានគ្រោះថ្នាក់ខ្លាំងណាស់ ហើយកំពុងជំរុញឱ្យប្រជាពលរដ្ឋមានការប្រុងប្រយ័ត្នខ្ពស់ចំពោះគ្រោះមហន្តរាយដែលអាចបង្កឡើងដោយខ្យល់បក់បោកខ្លាំង និងភ្លៀងធ្លាក់ខ្លាំង។

ទីភ្នាក់ងារនេះបាននិយាយថា ព្យុះទីហ្វុងកំពុងធ្វើដំណើរទៅភាគខាងលិចនៃមហាសមុទ្រប៉ាស៊ីហ្វិកភាគខាងត្បូងនៃប្រទេសជប៉ុន ក្នុងល្បឿន ១០ គីឡូម៉ែត្រក្នុងមួយម៉ោងគិតត្រឹមម៉ោង ៩ ព្រឹកថ្ងៃសុក្រ។

Okinawa និងតំបន់ Amami ត្រូវបានព្យាករណ៍ថា នឹងមានខ្យល់បក់ខ្លាំង។ នៅ Amami ខ្យល់បក់រហូតដល់ ១០៨ គីឡូម៉ែត្រក្នុងមួយម៉ោង ត្រូវបានគេរំពឹងថា រហូតដល់ថ្ងៃសៅរ៍។ សមុទ្រក៏នឹងមានភាពច្របូកច្របល់ផងដែរនៅជុំវិញភាគខាងត្បូង Kyushu, Okinawa និង Amami ជាមួយនឹងរលកកម្ពស់ ១០ ម៉ែត្រដែលត្រូវបានព្យាករណ៍ទុកនៅថ្ងៃសៅរ៍។

ភ្លៀងធ្លាក់ក្នុងរយៈពេល ២៤ ម៉ោងរហូតដល់រសៀលថ្ងៃសៅរ៍ អាចឡើងដល់ ១៥០ មិល្លីម៉ែត្រនៅអូគីណាវ៉ា អាម៉ាមី និងភាគខាងត្បូង Kyushu ។ មន្ត្រី ឧតុនិយម កំពុង ជំរុញ ឲ្យ មាន ការ ប្រុង ប្រយ័ត្ន ចំពោះ ខ្យល់ បក់ បោក និង រលក ខ្ពស់ ព្រម ទាំង ការ បាក់ ដី ទឹក ជំនន់ និង ទន្លេឡើងខ្លាំង៕ ប្រភពពី NHK, ដោយ៖ សារ៉ាត