គណៈបញ្ជាការឯកភាព នៃរដ្ឋបាលខេត្តបាត់ដំ បង បានបើកកិច្ចប្រជុំផែនការពង្រឹងនូវកិច្ចការពារសន្តិសុខ សុវត្ថិភាព និង សណ្តាប់ធ្នាបសង្គម នៅ ក្នុង រដូវកាន់បិណ្ឌ និងពិធីបុណ្យភ្ជុំបិណ្ឌប្រពៃណីជាតិខាងមុខនេះ ដើម្បីប្រជុំរៀបចំនូវផែនការស្តីពី កិច្ចការពារសន្តិសុខ សុវត្ថិភាព និង សណ្តាប់ធ្នាប់សង្គម នៅក្នុងរដូវកាន់បិណ្ឌ និង ពិធីបុណ្យភ្ជុំបិណ្ឌប្រពៃណីជាតិដែលនិងប្រព្រឹត្តទៅ ចាប់ពីថ្ងៃទី១៤ ដល់ថ្ងៃទី១៨ ខែកញ្ញាឆ្នាំ២០១៩ បានប្រព្រឹត្តទៅ នៅព្រឹក ថ្ងៃទី១៦ ខែកញ្ញានេះ ក្រោមអធិបតីភាពឯកឧត្តម ងួន រតនៈ អភិបាលខេត្តនិងជាប្រធានគណៈបញ្ជាការឯកភាពរដ្ឋបាលខេត្តបាត់ដំបងនាសាលប្រជុំសាលាខេត្តបាត់ដំបង។នៅក្នុងកិច្ចប្រជុំនេះក៏មានវត្តមានឯកឧត្តម អស់លោក លោកស្រី ជាប្រធានអនុប្រធានក្រុមការងារថ្នាក់ជាតិចុះមូល ដ្ឋានតាមបណ្តាស្រុក-ក្រុង ក្នុងខេត្តបាត់ដំបងនិងអស់លោកអភិបាលស្រុក-ក្រុងទាំង១៤ផងដែរ។

     កិច្ចប្រជុំនេះធ្វើឡើងនូវក្នុងគោលបំណងដោយផ្តោតសំខាន់ក្នុងការដាក់ចេញផែនការសកម្មភាព ជាក់ស្តែង ដល់គ្រប់បណ្តាអង្គភាពកងកម្លាំងទាំង ៣ប្រភេទអំពីសភាពការណ៍សន្តិសុខនិងសណ្តាប់ ធ្នាប់ទូទៅត្រូវលើកកម្ពស់នូវស្មារតីទទួលខុសត្រូវខ្ពស់ ក្នុងការបំពេញភារកិច្ចចំពោះមុខ នៅតាមប ណ្តាគោលដៅ និងមុខសញ្ញាសំខាន់ៗ របស់ ខ្លួនត្រូវខិតខំបង្កើនការក្តាប់សភាពការណ៍ ស្រាវជ្រាវ
ទប់ស្កាត់និងបង្ក្រាបឲ្យបានទាន់ពេលវេលានូវរាល់ការប៉ុនប៉ងបង្កចលាចល បំផ្លិចបំផ្លាញ និងបទល្មើសគ្រប់ប្រភេទ គ្រប់រូបភាព ដើម្បីរក្សាឲ្យបាន នូវសន្តិសុខ សុវត្ថិភាពល្អប្រសើរ ជូនដល់ប្រជាពល រដ្ឋនៅគ្រប់មូលដ្ឋានទូទាំង ខេត្តបាត់ដំបង។

       តាមការគូសបញ្ជាក់ ពីលោកស្នងការរងនគរ បាលខេត្តបាត់ដំបង លោកវរសេនីយ៍ឯក សាត គឹមសាន បានឲ្យដឹងថា កងកម្លាំងការពារគោលដៅ និងកម្លាំងការពារសន្តិសុខ សណ្តាប់ធ្នាប់តាមគោ លដៅការពារនៅក្នុងរដូវភ្ជុំបិណ្ឌ និង ពិធីបុណ្យភ្ជុំបិណ្ឌ នៅតាមគោលដៅការពារសំខាន់ៗ នៅតាមវត្តអារាម ចំនួន៣៨០វត្តអារាម លើ១៤ស្រុក ក្រុង, តាមរមណីយដ្ឋានសំខាន់ៗ ចំនួន១៤កន្លែង លើ៥ស្រុក រួមមានស្រុកបាណន់, ស្រុករតនមណ្ឌល,ស្រុកសំឡូត, ស្រុកសង្កែ និងស្រុកឯកភ្នំ។ ដោយកម្លាំងការពារសន្តិសុខសុវត្ថិភាពសណ្តាប់ធ្នាប់សង្គម ដោយប្រើប្រាស់កម្លាំង សរុបចំនួន ១.០៧៤នាក់, កម្លាំងចំហ សរុប ៨៨៤នាក់, សម្ងាត់ ១៩០នាក់ ក្នុងនោះរួមមានការការពារតាមគោលដៅនិងសណ្តាប់ធ្នាប់តាមដងផ្លូវ ចំនួន ៦១៧នាក់ (ចំហ៤២៧នាក់, សម្ងាត់ ១៩០នាក់)។ កម្លាំងអន្តរាគ មន៍ ល្បាត និង សង្គ្រោះ សរុប ៤៥៧នាក់ (ចំហ៤៥៧នាក់, សម្ងាត់គ្មាន)។

      ក្នុងកិច្ចប្រជុំនេះ ឯកឧត្តមប្រធានគណៈបញ្ជាការឯកភាពរដ្ឋបាលខេត្ត និងជាអភិបាលនៃគណៈអភិបាលខេត្តបាត់ដំបង ងួន រតនៈ ក៏បានធ្វើការណែនាំ និងជម្រុញដល់ថ្នាក់ដឹកនាំដែលពាក់ព័ន្ឌនិង ក្រុមការងារថ្នាក់ជាតិចុះមូលដ្ឋាន តាមបណ្តាស្រុក-ក្រុងទាំងអស់ត្រូវពិនិត្យនិងធ្វើរបាយការណ៍លម្អិតដែលក្រុមការងារធ្វើបានកន្លងមក ដើម្បីលើកឡើងពីបញ្ហាប្រឈម បញ្ហាកង្វល់ បញ្ហាដំណោះស្រាយជូនប្រជាពលរដ្ឋនៅតាមមូលដ្ឋានខ្លួនកន្លងមកដើម្បីបូកសរុបផ្ញើមកលេខាធិការដ្ឋានក្រុមការងារថ្នាក់ខេត្ត។ ជាមួយគ្នានេះផងដែរ ឯកឧត្តម ក៏បានជម្រុញឲ្យក្រុមការថ្នាក់ជាតិចុះមូលដ្ឋានគ្រប់ថ្នាក់ ចុះតាមបណ្តាមូលដ្ឋានរៀងៗខ្មួន ដើម្បីចូល
រួមនៅក្នុងពិធីកាន់វេនបិណ្ឌនិងប្រារព្វនូវពិធីបុណ្យភ្ជុំបិណ្ឌខាងមុខ ជាមួយនិងអាជ្ញាធរក្នុងមូលដ្ឋាន
របស់ខ្លួន ដែលទទួលខុសត្រូវឲ្យបានសកម្ម និងស្តាប់ពីសំណូមពរ និងពីកង្វល់នានា ដែលបងប្អូនប្រជាពលរដ្ឋក្នុងមូលដ្ឋាន មានតម្រូវការជាក់ស្តែងដើម្បីរួមគ្នាគិត រួមគ្នាដោះស្រាយនូវបញ្ហាប្រឈមនិងកង្វល់ទាំងនោះ៕ (  អត្ថបទ-រូបភាព៖ អ៊ុក សំអាន បប )