បន្ទាយមានជ័យ៖ ក្នុងពិធីសំណេះសំណាលចែកស្រូវពូជ និងស្បៀងជូនពលរដ្ឋរងគ្រោះដោយទឹកជំនន់ចំនួន ៥ពាន់គ្រួសារនៅខេត្តបន្ទាយមានជ័យ នាព្រឹកថ្ងៃទី២៣តុលា ឆ្នាំ២០២២ សម្តេចតេជោ ហ៊ុន សែន នាយករដ្ឋមន្ត្រី កម្ពុជា បាន រម្លឹក ពី កិច្ច ព្រមព្រៀង សន្តិភាពទីក្រុងប៉ារីសខួប ៣១ ឆ្នាំ ។

សម្ដេចថ្លែងថា ដោយសារថ្ងៃទី ២៣តុលានេះ ជា ខួប លើកទី៣១ នៃ កិច្ចព្រមព្រៀង សន្តិភាព ទីក្រុងប៉ារីស ២៣តុលា សម្តេចតេជោ បានបញ្ជាក់ថា កិច្ចព្រមព្រៀង សន្តិភាព ទីក្រុង ប៉ារីស គ្មានបរទេសណាមកធ្វើជំនួសខ្មែរទេ។

សម្តេចតេជោ បានលើកឡើងបន្តថា ទោះជាយ៉ាងណាក៏ដោយ កិច្ចព្រមព្រៀងសម្រេចបានពិត ប៉ុន្តែ អ៊ុនតាក់មិនអាចសម្រេចកិច្ចការបានដោយបន្សល់ទុកឱ្យកម្ពុជារដ្ឋាភិបាល២ គឺភាគី រដ្ឋាភិបាល និង ខ្មែរក្រហម។ ដោយ នយោបាយ ឈ្នះ ឈ្នះ ទើប កម្ពុជា រក បាន នូវ ការ បង្រួប បង្រួម ជាតិ នាំ មក នូវសុខសន្តិភាពពេញលេញ និង ការអភិវឌ្ឍរីកចម្រើនរហូតមកដល់សព្វថ្ងៃ៕ ស៊ូ វណ្ណលុក