សាំងហ្គាពួ៖ លោក លី ស៊ានឡុង (Lee Hsien Loong) នាយករដ្ឋមន្ត្រីសិង្ហបុរី ដែលទើបតែបានអញ្ជើញមកចូលរួមកិច្ចប្រជុំកំពូលអាស៊ាន និងកិច្ចប្រជុំកំពូលពាក់ព័ន្ធ ដែលកម្ពុជាធ្វើជាម្ចាស់ផ្ទះ បានសរសេរនៅលើបណ្តាញសង្គមហ្វេសបុកផ្លូវការរបស់លោកថា សូមអរគុណចំពោះសម្តេចតេជោ ហ៊ុន សែន ដែលធ្វើជាប្រធានអាស៊ានដោយជោគជ័យ និង បដិសណ្ឋារកិច្ចលោកយ៉ាងកក់ក្តៅ ជាការរៀបរាប់ដោយបញ្ជាក់ថា លោកបានអញ្ជើញទៅដល់ប្រទេសសិង្ហបុរីវិញ ដោយសុវត្ថិភាព។

លោក លី ស៊ានឡុង សរសេរថា «ខ្ញុំត្រឡប់មកផ្ទះវិញពីភ្នំពេញ។ បានបញ្ចប់កិច្ចប្រជុំកំពូលអាស៊ានឆ្នាំ 2022 ជាមួយនឹងការពិភាក្សាអំពីបញ្ហាយុទ្ធសាស្ត្រ នយោបាយ និងសេដ្ឋកិច្ចនាពេលបច្ចុប្បន្ននៅក្នុងកិច្ចប្រជុំកំពូលអាស៊ីបូព៌ា លើកទី 17 (EAS) នៅព្រឹកនេះ។ យើងជាក្រុមចម្រុះណាស់ ប៉ុន្តែភាពខ្លាំងរបស់អាស៊ាន និង EAS គឺក្នុងការនាំយកមេដឹកនាំរួមគ្នាសម្រាប់ការពិភាក្សា និងពិភាក្សា។

អរគុណសម្តេច ហ៊ុន សែន នាយករដ្ឋមន្ត្រីកម្ពុជា ដែលបានបដិសណ្ឋារកិច្ចយ៉ាងកក់ក្តៅ និងជោគជ័យក្នុងការធ្វើជាប្រធានអាស៊ាន! ឥណ្ឌូណេស៊ីនឹងធ្វើជាប្រធានអាស៊ានបន្ទាប់។ ខ្ញុំទន្ទឹងរង់ចាំធ្វើការយ៉ាងជិតស្និទ្ធជាមួយប្រធាន Joko Widodo និងមេដឹកនាំអាស៊ានរបស់យើង ក្នុងការដោះស្រាយបញ្ហាប្រឈមជាសាកល តាមរយៈឯកភាព និងភាពជាកណ្តាលរបស់អាស៊ាន និងចាប់យកឱកាសពីសហគមន៍អាស៊ានដែលមានសុខដុមរមនា សន្តិភាព ស្ថិរភាព និងវិបុលភាព៕» ដោយ៖ សារ៉ាត