ហាណូយ៖ ប្រធានាធិបតីវៀតណាមលោក ង្វៀន សួន ហ្វុក(Nguyen Xuan Phuc) បាន ចាកចេញ ពីប្រទេសវៀតណាម កាលពីព្រឹកថ្ងៃ ពុធទី១៦ ខែវិច្ឆិកានេះ ទៅកាន់ប្រទេសថៃដើម្បី បំពេញ ទស្សនកិច្ចជាផ្លូវការផង និង ដើម្បីចូល រួមកិច្ចប្រជុំកំពូលកិច្ចសហប្រតិបត្តិការសេដ្ឋកិច្ចអាស៊ីប៉ាស៊ីហ្វិក (APEC) ឆ្នាំ ២០២២ផង។

លោក Phuc ដែលអមដំណើរដោយភរិយា កំពុងបំពេញទស្សនកិច្ច តាមការអញ្ជើញរបស់ នាយករដ្ឋមន្ត្រីថៃ Prayut Chan-ocha ហើយវាគឺជាដំណើរទស្សនកិច្ចលើកដំបូងរបស់លោកទៅកាន់ប្រទេសថៃ ក្នុងនាមជាប្រធានា ធិបតី។

អនុរដ្ឋមន្ត្រីក្រសួងការបរទេសវៀតណាម លោក Ha Kim Ngoc បាននិយាយថា ដំណើរ ទស្សនកិច្ច នេះ គឺជាឱកាសសម្រាប់ប្រទេស ទាំងពីរផ្លាស់ប្តូរទស្សនៈដើម្បីពង្រឹងកិច្ចសហប្រតិបត្តិការពាណិជ្ជកម្ម និងវិនិយោគ ការតភ្ជាប់ សេដ្ឋកិច្ច និងកិច្ចសហប្រតិបត្តិការលើ វិស័យថ្មីៗដូចជា សេដ្ឋកិច្ចឌីជីថល ការផ្លាស់ប្តូរឌីជីថល និងសេដ្ឋកិច្ចបៃតង។

យោងតាមក្រសួងឧស្សាហកម្ម និងពាណិជ្ជកម្ម ប្រទេសថៃគឺជាដៃគូពាណិជ្ជកម្មធំបំផុតរបស់វៀតណាម នៅអាស៊ីអាគ្នេយ៍ និងជាអ្នកវិនិយោគធំទីប្រាំបួន នៅវៀតណាម។

ក្នុងឆមាសទីមួយ ឆ្នាំនេះ វៀតណាមបានទទួលភ្ញៀវទេសចរថៃ ចំនួន៤០.០០០ នាក់ ខណៈភ្ញៀវទេសចរវៀតណាមទៅថៃវិញ មានប្រមាណ ១៣០.០០០ នាក់៕
ប្រភពពី VNexpress, ប្រែសម្រួល៖ សារ៉ាត