តូក្យូ៖ រាជរដ្ឋាភិបាលជប៉ុនបានឲ្យដឹងតាមរយៈរបាយការណ៍មួយ កាលពីថ្ងៃសុក្រថា តម្លៃទំនិញប្រើប្រាស់របស់ប្រទេសជប៉ុនបានកើនឡើង៣.៦ ភាគរយ នៅក្នុងខែតុលា ធៀបនឹងឆ្នាំមុន ដែលជាការកត់សម្គាល់កម្រិតខ្ពស់រយៈពេល ៤០ ឆ្នាំ ដោយសារប្រាក់យ៉េនទន់ខ្សោយដែលធ្វើអោយថ្លៃថាមពលកើនឡើងកាន់តែខ្លាំង។

ទិន្នន័យបានបង្ហាញថា សន្ទស្សន៍តម្លៃអ្នកប្រើប្រាស់ស្នូលទូទាំងប្រទេស ដែលមិនរាប់បញ្ចូលអាហារស្រស់ៗដែលងាយនឹងបង្កជាហេតុ បានកើនឡើងក្នុងរយៈពេល ១៤ ខែជាប់គ្នា ដោយបានលើសការព្យាករណ៍ របស់អ្នកសេដ្ឋកិច្ច។

ទិន្នន័យចុងក្រោយបំផុតដែលបង្ហាញពីអតិផរណានៅក្នុងប្រទេសជប៉ុនបានឈានដល់កម្រិតខ្ពស់បំផុត ចាប់តាំងពីខែកុម្ភៈឆ្នាំ១៩៨២ មកជាមួយនឹងការកើនឡើង ៣.០ ភាគរយនៅខែកញ្ញា ហើយម្តងទៀត បានឈានលើសគោលដៅ ២ ភាគរយ របស់ធនាគារកណ្តាលជប៉ុន (BOJ) ។

គម្លាតអត្រាការប្រាក់កាន់តែទូលំទូលាយរវាង ធនាគារកណ្តាលជប៉ុន និងដៃគូសកលរបស់ខ្លួន ជាពិសេស ធនាគារកណ្តាលអាមេរិក បានធ្វើឱ្យរូបិយប័ណ្ណជប៉ុនធ្លាក់ចុះជាបន្តបន្ទាប់ដល់កម្រិតទាបពុំធ្លាប់មាន ក្នុងរយៈពេល ៣២ ឆ្នាំ ធៀបនឹងប្រាក់ដុល្លារអាមេរិក។

ភាពទន់ខ្សោយឥតឈប់ឈររបស់ប្រាក់យ៉េនបានជំរុញឱ្យតម្លៃនាំចូលសម្រាប់ផលិតផលថាមពល រួមទាំងឧស្ម័នធម្មជាតិរាវ និងធ្យូងថ្ម ក៏ដូចជាផលិតផលម្ហូបអាហារ ៕ ប្រភពពី ស៊ីនហួរ, ដោយ៖ សារ៉ាត