កូឡុំបូ៖ អាជ្ញាធរកំពង់ផែស្រីលង្កា (SLPA) បាននិយាយថា កប៉ាល់ទេសចរណ៍ទំនើបមួយគ្រឿងបានមកដល់កំពង់ផែ កូឡុំបូ (Colombo) កាលពីថ្ងៃអង្គារ ដោយផ្ទុកអ្នកទេសចរ ជាង២.០០០នាក់ ។

នាវា “Mein Schiff 5” ដែលជាកម្មសិទ្ធិរបស់ប្រតិបត្តិករអាល្លឺម៉ង់បានចូលចតនៅរដ្ឋធានីស្រីលង្កា ក្នុងថ្ងៃទី២៩ វិច្ឆិកាជាមួយនឹងកម្មវិធីវប្បធម៌ ដែលបានគ្រោងទុកពេញមួយថ្ងៃ ។

មន្ត្រីមកពី SLPA បាននិយាយថា កប៉ាល់នេះទទួលបានការស្វាគមន៍យ៉ាងគគ្រឹកគគ្រេង នៅឯកំពង់ផែកូឡុំបូ ហើយអ្នកដំណើរនឹងត្រូវបានផ្តល់ជូនដំណើរកំសាន្តសម្រាប់ទីតាំង និងដំណើរទេសចរណ៍ភាគច្រើន ដែលគ្របដណ្តប់ទីក្រុងកូឡុំបូ ភាគខាងត្បូង និងតំបន់ខ្ពង់រាបកណ្តាល ។

ក្រសួងទេសចរណ៍បាននិយាយថា ការមកដល់នៃនាវាទេសចរណ៍នេះបានជួយជំរុញទេសចរណ៍របស់ប្រទេសអាស៊ីខាងត្បូងមួយនេះ។

រដ្ឋមន្ត្រីមួយរូបរបស់ស្រីលង្កា ធ្លាប់បាននិយាយ កាលពីសប្តាហ៍មុនថា នាវាដឹកអ្នកដំណើរអន្តរជាតិចំនួនប្រាំបួនត្រូវបានគេរំពឹងថា នឹងមកដល់ប្រទេសស្រីលង្កា នៅខែមីនាឆ្នាំក្រោយ ដែលនឹងធ្វើឱ្យវិស័យទេសចរណ៍ដែលរងគ្រោះដោយជំងឺរាតត្បាតរាតត្បាតរបស់ប្រទេសនេះឡើងវិញ ៕ ប្រភពពី ស៊ីនហួរ, ដោយ ៖ សារ៉ាត