ស៊ែប៊ី៖ប្រធានាធិបតីស៊ែប៊ី លោក Aleksandar Vucic បាន ថ្លែង ៖ « ប្រទេសស៊ែប៊ីនឹងស្នើឱ្យកងកម្លាំងរក្សាសន្តិភាព ណាតូអនុញ្ញាតឱ្យដាក់ពង្រាយយោធា និងប៉ូលិសស៊ែប៊ី ទៅកាន់តំបន់ភាគខាងជើងកូសូវ៉ូដែលងាយនឹងបង្កជាហេតុ បើទោះបីជាខ្លួនជឿថាគ្មានឱកាសនៃការស្នើសុំត្រូវបានអនុម័តក៏ដោយ» ។

ប្រធានគោលនយោបាយការបរទេសរបស់សហភាពអឺរ៉ុបលោក Josep Borrell បានព្រមានកាលពីខែមុនអំពីសក្តានុពល សម្រាប់ ការកើនឡើងអំពើហិង្សា បន្ទាប់ពីកិច្ចពិភាក្សាបន្ទាន់ រវាងកូសូវ៉ូ និងស៊ែប៊ីបានបរាជ័យក្នុងការដោះស្រាយជម្លោះ ដ៏រ៉ាំរ៉ៃរបស់ពួកគេលើស្លាកលេខរថយន្តដែលប្រើប្រាស់ដោយជនជាតិភាគតិចស៊ែប៊ីក្នុងកូសូវ៉ូ។

លោក Vucic បានប្រាប់សន្និសីទសារព័ត៌មានមួយកាលពី ថ្ងៃសៅរ៍ ក្នុងទីក្រុងប៊ែលក្រាដ( Belgrade) ថា លោកនឹងស្នើ សុំឱ្យដាក់ពង្រាយកងកម្លាំងស៊ែប៊ីនៅក្នុងលិខិតមួយទៅកាន់មេបញ្ជាការនៃបេសកកម្ម KFOR របស់អង្គការណាតូ ដែលជា កងកម្លាំងរក្សាសន្តិភាពរបស់សម្ព័ន្ធភាពនៅកូសូវ៉ូ។

លោក Vucic បាននិយាយថា ៖ « យើងនឹងស្នើសុំពី មេបញ្ជាការ KFOR ដើម្បីធានានូវការដាក់ពង្រាយទាហាន និងប៉ូលីសនៃសាធារណរដ្ឋស៊ែប៊ីទៅកាន់ទឹកដីនៃកូសូវ៉ូ និង Metohija»។ ដោយបន្ថែមថា គាត់មិនមានការបំភាន់ ដែលសំណើនឹងត្រូវបានទទួលយកនោះទេ។

ការស្នើសុំទៅអង្គការណាតូនឹងជាលើកដំបូងដែលបែលក្រាដបានស្វែងរកការដាក់ពង្រាយកងទ័ពនៅក្នុងប្រទេសកូសូវ៉ូក្រោមបទប្បញ្ញត្តិនៃដំណោះស្រាយក្រុមប្រឹក្សាសន្តិសុខអង្គការសហប្រជាជាតិដែលបានបញ្ចប់សង្រ្គាមឆ្នាំ ១៩៩៨-១៩៩៩ ហើយ ដែល ណាតូបានអង្វរប្រឆាំងនឹងស៊ែប៊ីដើម្បីការពារកូសូវ៉ូដែល ភាគច្រើនជាជនជាតិអាល់បានី។

ជាដំណោះស្រាយ គឺប្រទេសស៊ែប៊ីអាចដាក់ពង្រាយមន្ត្រីយោធា ប៉ូលីស និងគយរហូតដល់ ១០០០ នាក់ទៅកាន់ទីតាំង សាសនា គ្រិស្តអូតូឌុក តំបន់ដែលមានជនជាតិស៊ែបភាគច្រើន និងច្រកព្រំដែន ប្រសិនបើការដាក់ពង្រាយបែបនេះត្រូវបាន យល់ព្រមដោយមេបញ្ជាការរបស់ KFOR ។

នៅពេលនៃដំណោះស្រាយ កូសូវ៉ូ ដែលបានប្រកាសឯករាជ នៅឆ្នាំ ២០០៨ នៅតែត្រូវបានទទួលស្គាល់ថាជាផ្នែក មួយ នៃប្រទេសស៊ែប៊ី។

ទីក្រុងបែលក្រាដ ដែលគាំទ្រដោយរុស្ស៊ី និងចិន បានបដិសេធ មិនទទួលស្គាល់ភាពជារដ្ឋរបស់កូសូវ៉ូ។

អង្គការណាតូនៅតែមានកងរក្សាសន្តិភាពប្រមាណ ៣៧០០ នាក់ ដែលឈរជើងនៅអតីតខេត្តស៊ែប៊ី ដើម្បីទប់ស្កាត់អំពើ ហិង្សារវាងជនជាតិអាល់បានី និងជនជាតិស៊ែប៊ី។

ការិយាល័យរបស់នាយករដ្ឋមន្ត្រីកូសូវ៉ូ លោក Albin Kurti បាននិយាយថា ចំណាត់ការរបស់ស៊ែប៊ី នឹងក្លាយជា ៖ «ទង្វើនៃការឈ្លានពាន និងការបង្ហាញពីទំនោររបស់ស៊ែប៊ី ក្នុងការធ្វើឱ្យតំបន់មានអស្ថិរភាព»។

ការលើកឡើងរបស់លោក Vucic ធ្វើឡើងបន្ទាប់ពីមានឧប្បត្តិ ហេតុកើតឡើង និងភាពតានតឹងកាន់តែខ្លាំងឡើងរវាងអាជ្ញាធរ កូសូវ៉ូ និងកូសូវ៉ូស៊ែប ដែលបង្កើតបានភាគច្រើននៅតំបន់ ភាគខាង ជើងនៃកូសូវ៉ូ។

កាលពីថ្ងៃសៅរ៍ កូសូវ៉ូ ស៊ែប៊ី បានផ្លាស់ប្តូរការបាញ់ប្រហារ ជាមួយមន្រ្តីប៉ូលីសនៅភាគខាងជើងដែលងាយនឹងបង្កជាហេតុ ហើយប្រធានាធិបតីកូសូវ៉ូ លោក Vjosa Osmani បាន ប្រកាស ថា ការបោះឆ្នោតក្នុងតំបន់ដែលគ្រោងធ្វើនៅថ្ងៃទី ១៨ ខែធ្នូ នៅក្នុងតំបន់នឹងត្រូវពន្យារពេលរហូតដល់ឆ្នាំក្រោយ។

ការបាញ់កាំភ្លើងបានផ្ទុះឡើង បន្ទាប់ពីជនជាតិស៊ែប៊ីបានបិទផ្លូវ សំខាន់ៗនៅក្នុងតំបន់ភាគខាងជើង ដើម្បីតវ៉ាប្រឆាំងនឹងការ ចាប់ ខ្លួនអតីតសមាជិកប៉ូលីសកូសូវ៉ូ ដែលបានលាឈប់ពី មុខតំណែងកាលពីខែមុន រួមជាមួយនឹងមន្ត្រីជនជាតិ ស៊ែប ផ្សេងទៀត។

អាជ្ញាធរក្នុងទីក្រុង Pristina បាននិយាយថា អតីតប៉ូលិស Dejan Pantic ត្រូវបានចាប់ខ្លួនពីបទវាយប្រហារ ការិយាល័យគណៈកម្មាធិការបោះឆ្នោត មន្ត្រីប៉ូលិស និងមន្ត្រីរៀបចំការបោះឆ្នោតកាលពីថ្ងៃអង្គារ។

អភិបាលក្រុងស៊ែប៊ីនៅភាគខាងជើងនៃក្រុងកូសូវ៉ូ រួមជាមួយនឹង ចៅក្រមក្នុងតំបន់ និងមន្ត្រីប៉ូលីសប្រមាណ ៦០០ នាក់បានលា លែងពីតំណែងកាលពីខែមុនក្នុងការតវ៉ាជុំវិញការសម្រេចចិត្តរបស់រដ្ឋាភិបាលក្នុងការជំនួសស្លាកលេខរថយន្តដែលចេញដោយទីក្រុងបែលក្រាដជាមួយនឹងស្លាកដែលចេញដោយ Pristina៕ ដោយ៖ ហោ សុវិទ្យា