ភ្នំពេញៈ ព្រឹត្តការណ៍ប្រណាំងម៉ូតូវាលរាប ដែលប្រសិទ្ធនាមថា ELF CUP RACE ENDURANCE 2022 បានបញ្ចប់ដោយជោគជ័យ ខណៈកីឡាករប្រណាំងសរសើរថា ការរៀបចំរបស់ភ្នាក់ងារការ៉ា ល្អប្រសើរខ្លាំង រីឯកីឡាករយល់ដឹងពីច្ចេកទេសច្រើន។
លោក ជីវ័ន បូរិន ប្រធានបច្ចេកទេស ក្រុមការងារភ្នាក់ងារការ៉ា បានអោយដឹងថា ព្រឹត្តិការណ៍ ប្រណាំងម៉ូតូលើវាលរាប ឬ ELF CUP RACE ENDURANCE ឆ្នាំ២០២២នេះ ធ្វើឡើងរយៈពេល២ថ្ងៃ នៅទីលានប្រណាំង YAMAMOTO CIRCUIT ក្នុងខេត្តកំពង់ស្ពឺ ក្រោមការឧបត្ថម្ភធំពីក្រុមហ៊ុន Total Energie រីឯការប្រកួត នេះចែក ចេញជា ៤កម្រិតគី Class, A Class B, Class C និង Endurance ។
កីឡាករ គីម ទី ម្ចាស់ពាន Class A បានអោយដឹងថា ព្រឹត្តការណ៍ប្រណាំងម៉ូតូវាលរាប ដែលប្រសិទ្ធនាមថា ELF CUP RACE ENDURANCE 2022 ការរៀបចំបានល្អប្រសើរជាងឆ្នាំកន្លងៗទៅ ដូចជា ការផ្តល់ព័ត៌មាន វេលាប្រណាំង ពន្យល់ផ្នែកបច្ចេកទេស មានពាក្យល្អៗ សរសើរដល់កីឡាករ និងមានភាពទន់ភ្លន់ស្និតស្នាល ចំនុចនេះនឹងធ្វើអោយវិស័យកីឡាយានយន្តមួយនេះ មានការអភិវឌ្ឍន៍ទៅមុខយ៉ាងលឿន ជាពិសេសធ្វើអោយកីឡាករមានកម្លាំងចិត្តចូលរួមប្រណាំងឆ្នាំក្រោយៗទៀត។ កីឡាករ គីម ទី ស្នើសុំអោយមានការប្រណាំងច្រើនដងក្នុងមួយឆ្នាំៗ ដើម្បីអោយកីឡាករកាន់តែមានបទពិសោធន៍ និងរីកចំរើនកាន់តែខ្លាំងដូចបណ្តាប្រទេសនានា លើពិភពលោក។ .
គួរបញ្ជាក់ថា ជើងឯកពានរង្វាន់ ELF CUP RACE ENDURANCE ឆ្នាំ២០២២នេះ លើ Class Endurance ទទួលបាន ពាន១ ថវិកា៤លានរៀល លេខ២ ពាន១ ថវិលា៣លានរៀល និងលេខ៣ ទទួលបានពាន១និង ថវិកា២លានរៀល រីឯ Class A លេខ១ ទទួលបានពាន១ ថវិកា២លានរៀល លេខ២ ពាន១ ថវិលា១លាន២សែន រៀល និងលេខ៣ ទទួលបានពាន១ និងថវិកា៨សែនរៀល, Class B លេខ១ ទទួលបានពាន១ ថវិកា២លានរៀល លេខ២ ពាន១ ថវិលា១លាន២សែន រៀល និងលេខ៣ ទទួលបានពាន១ និងថវិកា៨សែនរៀល, Class C លេខ១ ទទួលបានពាន១ ថវិកា២លានរៀល លេខ២ ពាន១ ថវិលា១លាន២សែន រៀល និងលេខ៣ ទទួលបានពាន១ និងថវិកា៨សែនរៀល ក្រៅពីក្រុមហ៊ុន Total Energie បានឧបត្ថម្ភ នេះក្រុប្រេងម៉ាស៊ីន១កេះ និងបណ្ណចាក់ចំនួន១០០ដុល្លា ដូចៗគ្នា ដែលផ្ដល់ជូនពីក្រុមហ៊ុន Total Energie ៕ ចាន់ វិចិត្រ