ភ្នំពេញ៖ តាមរយៈទំព័រហ្វេសប៊ុកនៅព្រឹកថ្ងៃទី១៦ ខែធ្នូ ឆ្នាំ ២០២២ សម្ដេចតេជោ ហ៊ុន សែន នាយករដ្ឋមន្ត្រីកម្ពុជា បាន បង្ហោះរូបភាព ភ្ជាប់ជាមួយសំណេរថា ជាទម្លាប់ក្នុងក្រុមគ្រួសារ សម្ដេច មិនមានការរៀបចំបុណ្យខួបកំណើត ក្រៅតែពីការជួបជុំ កូន ចៅនោះឡើយ ។

សម្ដេចតេជោ ហ៊ុន សែន បានបញ្ជាក់ថា កូនៗ និងចៅៗ មក កំដរម្តាយ និងជីដូនដូចការគិតរបស់ខ្ញុំមែន។ នេះជាទម្លាប់ក្នុង គ្រួសារខ្ញុំ ដែលមិនមាន ការរៀបចំបុណ្យខួបកំណើតក្រៅតែពី ការជួបជុំកូនចៅនោះឡើយ ។

សម្ដេចបានបន្ថែមថា ជិតមួយកងអនុសេនាតូចទៅហើយ តែមិនទាន់គ្រប់ទេ ព្រោះខ្លះ ជាប់រៀននៅបរទេស និងខ្លះទៀតជាប់រវល់ការងារ ៕ ដោយ៖ វណ្ណលុក