ភ្នំពេញ៖ ចាប់ពីថ្ងៃទី១៤-១៦ ខែធ្នូ ឆ្នាំ២០២២ នាទីស្តីការ ក្រសួង ឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍និង ទូរគមនាគមន៍និងជាប្រធានគណៈកម្មាធិការរដ្ឋាភិបាលឌីជីថល បានអញ្ជើញជាអធិបតីដឹកនាំកិច្ចប្រជុំចំនួនប្រាំផ្សេងៗគ្នា ជាមួយក្រសួង-ស្ថាប័ននៃរាជរដ្ឋាភិបាល ដើម្បីជំរុញការអនុវត្ត ការងារបរិវត្តកម្មរដ្ឋាភិបាលឌីជីថលនៅតាមគ្រប់ក្រសួង-ស្ថាប័ន និងផែនការសកម្មភាពសម្រាប់ការងារបរិវត្តកម្ម ឌីជីថលក្នុងឆ្នាំ២០២៣-២០៣៥ ដោយមានការអញ្ជើញ ចូលរួមពី អនុប្រធាន សមាជិក សមាជិកា នៃគណៈកម្មាធិការ រដ្ឋាភិបាលឌីជីថល។

បើតាមក្រសួងប្រៃសណីយ៍បានឱ្យដឹងថា៖កិច្ចប្រជុំនេះ រៀបចំ ឡើងក្នុងគោលបំណងដើម្បីពិភាក្សាលើការបង្កើតអង្គភាពបរិវត្តកម្មឌីជីថល តម្រូវការឧបករណ៍និងកម្មវិធីឌីជីថល ការរៀប ចំ បណ្តាញតភ្ជាប់ឌីជីថល តម្រូវការមជ្ឈមណ្ឌលទិន្នន័យ ការ បណ្តុះបណ្តាលសម្រាប់រដ្ឋាភិបាលឌីជីថល និង ការរៀបចំផែន ការសកម្មភាពរបស់បណ្តាក្រសួង ស្ថាប័ន សម្រាប់ការងារ បរិវត្តកម្មឌីជីថលក្នុងឆ្នាំ២០២៣-២០៣៥៕ ដោយ៖ ម៉ាដេប៉ូ