អ.ស.ប៖ អគ្គលេខាធិការ អង្គការសហប្រជាជាតិ (អ.ស.ប) លោក Antonio Guterres បានប្តេជ្ញាថា អង្គការសហប្រជាជាតិ (UN) នឹងមិនបង្អង់ក្នុងការស្វែងរកសន្តិភាពនៅអ៊ុយក្រែនឡើយ ហើយបានសម្តែងក្តីសង្ឃឹមសម្រាប់សន្តិភាព នៅទីនោះ ក្នុងឆ្នាំ២០២៣ ។

លោក Antonio Guterres បាននិយាយនៅក្នុងសន្និសីទសារព័ត៌មានចុងឆ្នាំរបស់លោក កាលពីថ្ងៃចន្ទ នៅទីក្រុងញូវយ៉ក។ លោក Guterres បាននិយាយថា “ពិភពលោករបស់យើងបានប្រឈមមុខនឹងការសាកល្បង និងការសាកល្បងជាច្រើននៅឆ្នាំ ២០២២” ដោយបន្ថែមថា “ការបែងចែកភូមិសាស្ត្រនយោបាយបានធ្វើឱ្យការដោះស្រាយបញ្ហាសកលលោកកាន់តែពិបាក ជួនកាល មិនអាចទៅរួច” ។

ពាក់ព័ន្ធនឹងបញ្ហារវាងរុស្ស៊ីនិងអ៊ុយក្រែននេះដែរ លោកបាននិយាយថា “ខ្ញុំមិនសុទិដ្ឋិនិយមចំពោះលទ្ធភាពនៃកិច្ចចរចាសន្តិភាពប្រកបដោយប្រសិទ្ធភាពនៅពេលអនាគតភ្លាមៗនោះទេ”។

លោក Antonio Guterres បាននិយាយថា UN នឹងបន្តគាំទ្រការនាំចេញកសិផលពីអ៊ុយក្រែន និងរុស្ស៊ី ដើម្បីទប់ស្កាត់វិបត្តិស្បៀងអាហារពិភពលោក៕ ប្រភពពី NHK , ដោយ៖ សារ៉ាត