ហ្សាកាតា៖ កម្មវិធី”ទិដ្ឋាការផ្ទះទីពីរ”របស់ប្រទេសឥណ្ឌូនេស៊ី ដែលអាចឱ្យជនបរទេសស្នាក់នៅក្នុងប្រទេសបានរហូតដល់ ១០ឆ្នាំបានចូលជាធរមានហើយ ខណៈដែលសេដ្ឋកិច្ចដ៏ធំបំផុតរបស់អាស៊ីអាគ្នេយ៍ស្វែងរកការទាក់ទាញភ្ញៀវទេសចរកាន់តែច្រើន។

ទិដ្ឋាការ Second Home តម្រូវឱ្យមានពាក្យសុំតែមួយប៉ុណ្ណោះ ដែលមានន័យថា ជនបរទេសត្រូវតែសុំទិដ្ឋាការតែម្ដង លិខិតអនុញ្ញាតស្នាក់នៅមានកំណត់ និងលិខិតអនុញ្ញាតចូលម្ដងទៀត។ លោក Yasonna Laoly រដ្ឋមន្ត្រីក្រសួងច្បាប់ និងសិទ្ធិ មនុស្សបានប្រកាសគម្រោងនេះក្នុង សប្តាហ៍មុន។

គេហទំព័រព័ត៌មានឥណ្ឌូនេស៊ី Expat បានរាយការណ៍ថា ដើម្បីមានសិទ្ធិទទួលបានកម្មវិធីនេះ ជនបរទេសត្រូវបង្ហាញភស្តុតាងនៃមូលនិធិចំនួន ២ ពាន់លានរូពី (១២៨,០០០ដុល្លារ) ឬកម្មសិទ្ធិអចលនទ្រព្យនៅក្នុងប្រទេសឥណ្ឌូនេស៊ី៕ ប្រភពពី VNexpress , ដោយ៖ សារ៉ាត