រតនគិរី ៖ នៅសាលាខេត្តរតនគិរីមានបើកកិច្ចប្រជុំរវាងប្រតិភូគណ:កម្មការទី៥ នៃព្រឹទ្ធសភាដឹកនាំដោយ ឯកឧត្តម ឈិត គឹមយាត អនុប្រធានគណៈកម្មការទី៥ តំណាងលោកជំទាវ ទី បូរ៉ាស៊ី ជាប្រធានគណៈកម្មការទី៥ និងរដ្ឋបាលខេត្តរតនគិរីដឹកនាំដោយ ឯកឧត្តម ញ៉ែម សំអឿន អភិបាលខេត្ត កាលពីថ្ងៃទី២៦ ខែធ្នូ ឆ្នាំ២០២២ ។

ថ្លែងនៅក្នុងកិច្ចប្រជុំ ឯកឧត្តម ឈិត គឹមយាត បានជម្រាបជូនពីគោលបំណងរបស់គណៈកម្មការទី៥នៃព្រឹទ្ធសភាមកបំពេញបេសកម្មក្នុងទឹកដីខេត្តរតនគិរីនាពេលនេះ គឺស្វែងយល់អំពី ការអនុវត្តន៍ច្បាប់អន្តោប្រវេសន៍, ច្បាប់ ស្តីពីរបបសារព័ត៌មាន និងការផ្សព្វផ្សាយព័ត៌មាន, ច្បាប់ស្តីពីការងារ និងកិច្ចសហការជាមួយមន្ទីរការងារ និងបណ្ដុះ បណ្តាលវិជ្ជាជីវៈ ក្នុងការចុះត្រួតពិនិត្យប័ណ្ណ ឬសៀវភៅការងាររបស់ជនបរទេសដែលចូលមកស្នាក់នៅក្នុងព្រះរាជាណាចក្រកម្ពុជា និងកំពុងធ្វើការនៅតាមរោងចក្រសហគ្រាស និងក្រុមហ៊ុននានា ព្រមទាំងស្វែងយល់អំពីសកម្មភាពការងារសម្រួលបែបបទ លិខិតស្នាមចេញ ចូលផ្សេងៗ របស់ជនបរទេស នៅតាមច្រកទ្វារព្រំដែនអន្តរជាតិ ផងដែរ ៕ ដោយ គតិ យុត្ត