ភ្នំពេញ៖ នៅរសៀលថ្ងៃទី២៧ ខែធ្នូ ឆ្នាំ២០២២ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នឹងអញ្ជើញបិទសន្និបាតបូកសរុបលទ្ធផលការងារឆ្នាំ២០២២ និងលើកទិសដៅការងារឆ្នាំ២០២៣ របស់ក្រសួងរៀបចំដែនដី នគរូបនីយកម្ម និងសំណង់ ។

សូមជម្រាបថា នៅព្រឹកថ្ងៃទី២៧ ខែធ្នូ ឆ្នាំ២០២២ ឯកឧត្តម ឧបនាយករដ្ឋមន្រ្តី ជា សុផារ៉ា រដ្ឋមន្រ្តីក្រសួងរៀបចំដែនដីនគររូបនីយកម្ម និងសំណង់ បានអញ្ជើញបើកសន្និបាទបូកសរុបលទ្ធផលការងារឆ្នាំ២០២២ និងលើកទឹសដៅការងារឆ្នាំ២០២៣ នៅទីស្តីការក្រសួងរៀបចំដែនដី នគររូបនីយកម្ម និងសំណង់ ។

ឯកឧត្តម ឧបនាយករដ្ឋមន្រ្តី ជា សុផារ៉ា បានថ្លែងនូវការកោតសរសើរចំពោះកិច្ចខិតខំប្រឹងប្រែងទៅលើការងារជំនាញរៀងៗខ្លួន របស់មន្រ្តីគ្រប់ជាន់ថ្នាក់ ដែលសម្រេចបានលទ្ធផលគួរជាទីមោទន ។ លទ្ធផលទាំងអស់នេះ គឺកើតចេញពីកិច្ចខិតខំប្រឹងប្រែងរបស់មន្រ្តីជំនាញ និងការចូលរួមសហការពីមន្រ្តីថ្នាក់ក្រោមជាតិ អាជ្ញាធរមូលដ្ឋានគ្រប់ជាន់ថ្នាក់ ពិសេសការងារ រៀបចុះបញ្ជីដីធ្លីជូនប្រជាបលរដ្ឋនិងការចេញបណ្ណកម្មសិទ្ធដីធ្លី ស្របច្បាប់ជូនប្រជាពលរដ្ឋផងដែរ ៕ ដោយ ៖ វណ្ណលុក