ព្យុងយ៉ាង៖ យោធាកូរ៉េខាងត្បូងបាននិយាយថា ប្រទេសកូរ៉េខាងជើងបានបាញ់មីស៊ីលផ្លោងចំនួនបីគ្រាប់ ឆ្ពោះទៅកាន់សមុទ្រខាងកើតនៃឧបទ្វីបកូរ៉េ នៅថ្ងៃសៅរ៍នេះ។

ការបាញ់បង្ហោះនេះ គឺជាការធ្វើតេស្តមីស៊ីលបាលីស្ទិកចុងក្រោយបង្អស់ ដែលមិនធ្លាប់មានពីមុនមក ដែលធ្វើឡើងដោយកូរ៉េខាងជើង ក្នុងឆ្នាំ២០២២នេះ ខណៈដែលរដ្ឋាភិបាលក្រុងព្យុងយ៉ាង បន្តជំរុញការអភិវឌ្ឍអាវុធ ចំពេលមានការរំពឹងទុកថា ខ្លួនអាចសាកល្បងអាវុធនុយក្លេអ៊ែរជាលើកទី៧។

អគ្គសេនាធិការចម្រុះរបស់កូរ៉េខាងត្បូងបាននិយាយថា មីស៊ីលផ្លោងរយៈចម្ងាយខ្លីចំនួនបីគ្រាប់ត្រូវបានបាញ់ចេញពីម៉ោងប្រហែល ៨ ព្រឹកម៉ោងពីខេត្ត North Hwanghae ភាគខាងត្បូងនៃរដ្ឋធានីព្យុងយ៉ាង។

ក្រសួងការពារជាតិជប៉ុនបាននិយាយថា មីស៊ីលទាំងបីបានហោះក្នុងរយៈកម្ពស់ប្រហែល ១០០គីឡូម៉ែត្រ និងគ្របដណ្តប់ចម្ងាយប្រហែល ៣៥០ គីឡូម៉ែត្រ។ យោធាកូរ៉េខាងត្បូងបាននិយាយផងដែរថា កាំជ្រួចបានហោះបានចម្ងាយប្រហែល ៣៥០ គីឡូម៉ែត្រ៕ ប្រភពពី Reuters, ដោយ៖ សារ៉ាត