ឆ្នាំជូត

សម្រាប់លោកអ្នកដែលកើតឆ្នាំជូត នាមសត្វកណ្តុរ ធាតុទឹក ពង្សទេវតាប្រុស។ រាសីអស់លោកអ្នកថ្ងៃនេះល្អជាមធ្យម។ ហោរាណែនាំឲ្យចាប់ផ្តើមរៀបចំសម្រាប់ជ័យជំនះនៅអនាគតដ៏ខ្លីខាងមុខ។ អ្នកកំពុងតែរងចាំភាពលូតលាស់នៃអាជីព ប៉ុន្តែត្រូវត្រៀមខ្លួនដើម្បីធ្វើការយ៉ាងលំបាក ដើម្បីសម្រេចបាននូវគោលដៅ។ ក្រៅពីនេះ សូមបង្កើនចំណាប់អារម្មណ៍ទៅលើពត៌មាន និងអាថ៌កំបាំងក្នុងការងារទាំងឡាយ ដើម្បីឲ្យអ្នកអាចយល់ដឹង និងសម្របទៅតាមរបត់នោះដោយងាយស្រួល។ អ្វីដែលកាន់តែពិសេស ក្នុងថ្ងៃនេះអ្នកអាចប្រើប្រាស់អារម្មណ៍ខាងក្នុងរបស់អ្នក ប៉ុន្តែក៏សូមយកចិត្តទុកដាក់នឹងបរិកាសផងដែរ។

ឆ្នាំឆ្លូវ

សម្រាប់លោកអ្នកដែលមានកំណើតឆ្នាំឆ្លូវ នាមសត្វគោ ធាតុដី ពង្សមនុស្សប្រុស។ រាសីលោកអ្នកឡើងខ្ពស់ត្រដែត។ រាល់ជំហានានាដែលអ្នកកំពុងដើរនឹងទទួលបានភាពចម្រុងចម្រើនយ៉ាងល្អប្រសើរណាស់។ លោកអ្នកនឹងមានភាពព្រឹត្តិការណ៍រីករាយច្រើននៅពេលខាងមុខ ក៏ប៉ុន្តែជាប្រយោជន៍នៃភាពរីករាយនេះក៏សូមខិតខំប្រឹងប្រែងជានិច្ច។ ចំពោះការពិភាក្សា ចរចាក្នុងករណីលំបាកយ៉ាងណាក៏អាចធ្វើទៅបានដោយងាយស្រួលណាស់ ដូច្នេះមិនគួរមានភាពភ័យខ្លាចឬស្ទាក់ស្ទើរក្នុងការបំពេញក្តីស្រមៃរបស់អ្នកឡើយ។ ក្នុងនោះដែរ ការប្រកាន់អាកប្បកិរិយាទន់ភ្លន់ ស្មោះត្រង់ និងមានជំនឿចិត្តចំពោះខ្លួនឯងបំផុត។

ឆ្នាំខាល

សម្រាប់លោកអ្នកដែលមានកំណើតឆ្នាំខាល នាមសត្វខ្លា ធាតុឈើ ពង្សយក្សស្រី។ រាសីអស់លោកអ្នកថ្ងៃនេះឡើងខ្ពស់ត្រដែត។ កិច្ចការងារអាចសម្រេចបានលទ្ធផលគួរជាទីមោទនភាពក្រៃលែង។ លោកអ្នកអាចនឹងទទួលបានភាពរីករាយយ៉ាងខ្លាំងទាំងក្នុងអាជីព និងសម្រាប់ស្ថានភាពជីវិតផ្ទាល់ខ្លួន។ ក្នុងពេលនេះលោកអ្នកមានពេលវេលាគ្រប់គ្រាន់ និងមានមនុស្សល្អជាច្រើននៅជុំវិញខ្លួន ដូច្នេះសូមឆក់យកឳកាសថ្ងៃនេះបំពេញក្តីប្រាថ្នារបស់ខ្លួន។ ដោយឡែក ការយកចិត្តទុកដាក់នឹងការងារទាំងឡាយដែលស្ថិតក្រោមបន្ទុក។ ចាក ចេញពីស្ថានភាពមុខពីរ និងរាល់បញ្ហាដើមចុងរបស់អ្នកដទៃ។

ឆ្នាំថោះ

សម្រាប់លោកអ្នកដែលមានកំណើតឆ្នាំថោះ នាមសត្វទន្សាយ ធាតុឈើ ពង្សមនុស្សស្រី។ រាសីអស់លោកអ្នកល្អជាមធ្យម។ ហោរាសាស្រ្តអាជីព ណែនាំឲ្យត្រៀមខ្លួនសម្រាប់ការសន្ទនាដ៏រីករាយបំផុត។ អ្នកអាចជៀសវាងពីការប្រទូសរ៉ាយ ប៉ុន្តែសូមព្យាយាមគ្រប់គ្រងខ្លួនឯងពេញមួយថ្ងៃ។ ដោយឡែក លោកអ្នកមានលទ្ធភាពពេញលេញក្នុងការប្រាស្រ័យទាក់ទងនឹងមនុស្សនៅជុំវិញខ្លួន មានលទ្ធភាពកែប្រែភាពអវិជ្ជមានមកជាវិជ្ជមានដោយសន្តិវិធី។ ក្នុងពេលស្របគ្នា សូមកុំភ្លេចការគ្រប់គ្រងអាកប្បកិរិយា ពីព្រោះថ្ងៃនេះមិនមែនជា ពេលវេលាអោយលោកអ្នកតវ៉ា និងទាមទារអ្វីនោះទេ។

ឆ្នាំរោង

​សម្រាប់លោកអ្នកដែលមានកំណើតឆ្នាំរោង នាមសត្វនាគ ធាតុមាស ពង្សទេវតាប្រុស។ ​ ​ រាសីលោកអ្នកថ្ងៃនេះស្រុតចុះ។ ថ្ងៃនេះមិនមែនជាពេលវេលាល្អសម្រាប់បញ្ចប់ប្រតិបត្តិការណ៍ធំដុំនោះទេ។ សូមដាក់កំរិតខ្លួនឯងសម្រាប់ការដោះស្រាយបញ្ហាហិរញ្ញវត្ថុសូម្បីតែករណី ឬវិក្កយបត្រតូចតាចក៏ដោយ។ ហោរាណែនាំឲ្យបដិសេធការរិះគន់ ឬសង្ស័យខ្លួនឯង បើអាចធ្វើបាន គឺអ្នកនឹងអាចដោះស្រាយបញ្ហាបានយ៉ាងងាយស្រួល។ ដោយឡែក លោកអ្នកទទួលបានអំណោយផលក្នុងការប្រើប្រាស់ពាក្យសំដី និងអារម្មណ៍ទន់ភ្លន់ជាមួយអ្នកដទៃ។ លើសពីនេះ សូមលោកអ្នកស្វែងរកជំនួយជានិច្ចចំពោះស្ថានភពដែលមិនអាចដោះ ស្រាយ ពីព្រោះការប្រថុយនឹងនាំអ្នកអោយមានភាពអវិជ្ជមានកាន់តែខ្លាំង។

ឆ្នាំម្សាញ់

សម្រាប់លោកអ្នកដែលមានកំណើតឆ្នាំម្សាញ់ នាមសត្វពស់ ធាតុភ្លើង ពង្សមនុស្សប្រុស។ ​​  រាសីអស់លោកអ្នកថ្ងៃនេះឡើងខ្ពស់ត្រដែត។ វេលានេះជាពេលដែលមានអំណោយផលសម្រាប់ការធ្វើការក្នុងវិស័យសារពត៌មាន ទីផ្សារ និងការផ្សាយពាណិជ្ជកម្ម។ ថ្ងៃស្អែកពាក្យសំដីរបស់លោកអ្នកមានទំងន់ពិសេស ដូច្នេះអ្នកមិនចាំបាច់ប្រឹងប្រែងខ្លាំងដើម្បីសម្រេចបាននូវគោលដៅឡើយ។ ក្នុងពេលនេះទឹកចិត្តរបស់អ្នកនឹងទទួលបានសន្តិភាព​។ ផ្ទុយទៅវិញលាភសំណាងផ្នែកសម្ភារៈប្រហែលជាមិនអាចទទួលបាននោះទេ។ ក្នុងនោះដែរ កុំបោះបង់ចោលថាមពល និងលុយកាក់ដោយគ្មានគម្រោងផែនការ។ ក្រៅពីនេះ ទំនាក់ទំនងផ្ទាល់ ខ្លួនមានភាពល្អូកល្អឺនណាស់។

ឆ្នាំមមី

សម្រាប់លោកអ្នកដែលមានកំណើតឆ្នាំមមី នាមសត្វសេះ ធាតុភ្លើង ពង្សទេវតាសី្រ។ រាសីអស់លោកអ្នកនៅក្នុងថ្ងៃនេះស្រុតចុះ។ ថ្ងៃនេះមិនមែនជាពេលវេលាល្អបំផុតសម្រាប់ធ្វើកិច្ចការណាមួយឡើយ។ ជាពិសេសបញ្ហាហរិញ្ញវត្ថុគួរតែយកចិត្តទុកដាក់បន្ថែម ធ្វើយ៉ាងណាទូទាត់ការចំណាយនានាឲ្យបានរួសរាន់។ ក្នុងនោះ ដាច់ខាតមិនគួរធ្វើកិច្ចការច្រើនក្នុងពេលតែមួយនោះទេ គួរតែលះបង់ពេលវេលាសម្រាប់ករណី ឬប្រធានបទសំខាន់បំផុតប៉ុណ្ណោះ។ ចំពោះការធ្វើទំនាក់ទំនងជាមួយមនុស្សនៅជុំវិញខ្លួនគឺអាចធ្វើទៅបាន ប៉ុន្តែគួរតែមានភាពទន់ភ្លន់។ ក្រៅពីនេះ សូមប្រុងប្រយ័ត្នក្រែងមានរបួសស្នាម ដាច់រលាត់ខ្លះនៅពេលព្រឹក។

ឆ្នាំមមែ

សម្រាប់លោកអ្នកដែលមានកំណើតឆ្នាំមមែ នាមសត្វពពែ ធាតុមាស ពង្សទេវតាស្រី។ រាសីអស់លោកអ្នកថ្ងៃនេះឡើងខ្ពស់ត្រដែត។ ថ្ងៃនេះជាពេលអំណោយផលសម្រាប់អ្នកធ្វើការក្នុងវិស័យពត៌មាន ទីផ្សារ និងការផ្សាយពាណិជ្ជកម្ម។ លោកអ្នកមានអំណោយផលក្នុងការពិភាក្សា ចរចា បញ្ចុះបញ្ចូលទឹកចិត្តមនុស្ស ដែលនឹងអាចជួយជម្រុញដំណើរការរបស់អ្នកឲ្យបានទៅដល់គោលដៅក្នុងពេលលឿន និងជោគជ័យ។ ដោយឡែក បញ្ហាតូចតាចអាចនឹងកើតមានខ្លះ ប៉ុន្តែក៏មិនជះបញ្ហាធ្ងន់ធ្ងរដល់ការងារអ្នកទេ។ ក្នុងពេលនេះលោកអ្នកគួរបង្កើន កិច្ចទំនាក់ទំនងជិតស្និទ្ធជាមួយនឹងថ្នាក់លើ ហើយការទទួលខុសត្រូវក៏ចាំបាច់បំផុតផងដែរ។

ឆ្នាំវក

សម្រាប់លោកអ្នកដែលមានកំណើតឆ្នាំវក នាមសត្វស្វា ធាតុដែក ពង្សយក្សប្រុស។ រាសីអស់លោកអ្នកថ្ងៃនេះស្រុតចុះ។ ពេលវេលានេះមិនសក្តិសមនឹងប្រតិបត្តិការធំដុំពេកនោះទេ។ សូមគ្រប់គ្រងការចាយវាយ ឲ្យបានត្រឹមត្រូវ។ ផ្ទុយទៅវិញ លោកអ្នកអាចនឹងទទួលបានការផ្តល់ជូននូវឳកាសច្រើនគួរសម ដូច្នេះមិនគួរបដិសេធចំពោះការធ្វើដំណើរក្នុងផ្នែកពាណិជ្ជកម្មនោះទេ។ ចំពោះដំណើរទស្សនកិច្ចការងារទំនងជានឹងធ្វើឡើងនៅខែក្រោយ។ ក្នុងពេលនេះយកល្អ ចំណាយពេលវេលាខ្លះដើម្បីគិតគូរអំពីគម្រោងជាថ្មី ហើយបើអាចគួរ ចាកចេញដើម្បីចូលរួមក្នុងវគ្គបណ្តុះបណ្តាល និងសកម្មភាពក្រុមអោយបានច្រើន។

ឆ្នាំរកា

សម្រាប់លោកអ្នកដែលមានកំណើតឆ្នាំរកា នាមសត្វមាន់ចែ ធាតុដែក ពង្សយក្សប្រុស។  ​ រាសីអស់លោកអ្នកក្នុងថ្ងៃនេះឡើងខ្ពស់ត្រដែត។ លោកអ្នកទទួលបានអារម្មណ៍ និងគំនិតវិជ្ជមាន។ លោកអ្នកអាចធ្វើឲ្យសម្រចដល់គោលដៅរាល់ការងារទាំងអស់បាននៅទីបំផុត ដូច្នេះសូមកុំមានការសង្ស័យ ឬបោះបង់ដំណើរការនៅពាក់កណ្តាលផ្លូវឲ្យសោះ។ ក្នុងនោះដែរ ការអត់ធ្មត់មានសារសំខាន់បំផុត។ ក្រៅពីនេះ លោកអ្នកទទួលបានអំណោយផលក្នុងការបញ្ចុះបញ្ចូល។ ភាគច្រើនអ្នកនឹងអាចបញ្ចុះបញ្ចូលមនុស្សនៅជុំវិញខ្លួនដោយត្រឹមត្រូវ និងងាយស្រួល។ ចំពោះការចាកចេញពីស្ថានភាពចាស់នៅក្នុងពេលនេះអាចធ្វើទៅបាន ដោយគ្មានផលរំខាន។

ឆ្នាំច

សម្រាប់លោកអ្នកដែលមានកំណើតឆ្នាំច នាមសត្វឆ្កែ ធាតុដី ពង្សយក្សស្រី។ រាសីអស់លោកអ្នកថ្ងៃនេះស្រុតចុះ។ អាជីពរបស់អ្នកកំពុងជួបភាពរាំងស្ទះ និងភាពមន្ទិលសង្ស័យ។ ចូរស្តារស្ថានភាពការងារដោយព្យាយាមក្តោបក្តាប់ស្ថានការណ៍ ​និងភាពប្រែប្រួលនានានៅជុំវិញខ្លួន។ ក្នុងពេលនេះប្រយ័ត្នាការបាត់បង់ ឬការភ្លេចភ្លាំងក្នុងការអនុវត្តការងារ ពីព្រោះកំហុសនេះអាចនឹងពិបាកក្នុងការកែប្រែ។ លោកអ្នកគួរយកចិត្តទុកដាក់ក្នុងកាប្រាស្រ័យទាក់ទង គឺការផ្សព្វផ្សាយពាណិជ្ជកម្មបន្ថែម ភាពស្ងប់ស្ងាត់នៃដំណើរការងារអាចនឹងជះឥទ្ធិពលដល់លទ្ធផលការងារដែលអ្នកគួរទទួលបាន។ ក្រៅនេះ សូមប្រយ័ត្នក្រែងមានការអាក់អន់ចិត្តក្នុង ទំនាក់ទំនងផ្ទាល់ខ្លួន។

ឆ្នាំកុរ​

សម្រាប់លោកអ្នកដែលមានកំណើតឆ្នាំកុរ  នាមសត្វជ្រូក ធាតុទឹក ពង្សមនុស្សស្រី។ រាសីអស់លោកអ្នកក្នុងថ្ងៃនេះល្អជាមធ្យម។ កិច្ចការរបស់អ្នកមានដំណើរការល្អ ប៉ុន្តែថ្ងៃនេះមិនមែនជាពេលវេលាល្អសម្រាប់ការចរចា ការផ្លាស់ប្តូរការងារ ឬការបណ្តាក់ទុនថ្មីនេះ។ លោកអ្នកគួរក្សាអ្វីឲ្យនៅជាធម្មតា ពីព្រោះការផ្លាស់ប្តូរក្នុងពេលនេះអាចធ្វើឲ្យស្ថានភាពហិរញ្ញវត្ថុរបស់អ្នកមិនហ្នឹងហ្ន៎។ ទន្ទឹមនឹងនោះជម្លោះ ឬភាពយល់ច្រលំក្នុងរង្វង់ការងារអាចកើតឡើង និងបង្ករផលលំបាកចំពោះស្ថេរភាពការងាររបស់អ្នក។ ក្នុងថ្ងៃនេះ ចូររក្សាភារតភាពក្នុងទី កន្លែងការងារ លោកអ្នកអាចជួបការយល់ច្រលំខ្លះ ហេតុនេះសូមអត់ធ្មត់ និងដោះស្រាយ ទៅតាមសន្តិវិធី។

ចំណាំៈ

ឆ្នាំទាំង៥ ឆ្លូវ ខាល ម្សាញ់ មមែ រកា រាសីឡើងខ្ពស់ត្រដែត។ ការផ្លាស់ប្តូរការងារនៅក្នុងថ្ងៃ នេះមានអំណោយផលបំផុត។ ចំណែកការចរចា និងការបោះជំហានថ្មីនឹងទទួលបានភាព ជោគជ័យល្អប្រសើរណាស់។