ភ្នំពេញ ៖ យោងតាមសេចក្តីជូនដំណឹងរបស់ក្រសួងធនធានទឹក និងឧតុនិយម នៅថ្ងៃទី៣ មករា ២០២៣នេះ បានឱ្យដឹងថា ស្ថានភាពធាតុអាកាស ចាប់ពីថ្ងៃទី៤- ១០ ខែមករា ឆ្នាំ២០២៣ ស្អែក នៅព្រះរាជាណាចក្រកម្ពុជា និងទទួលឥទ្ធិពលដូចតទៅ ៖

• ពីថ្ងៃទី៤-៧ ខែមករា ទទួលឥទ្ធិពលពីជ្រលងសម្ពាធទាបសកម្មពីភាគខាងក្រោមនៃសមុទ្រចិនខាងត្បូង
• ពីថ្ងៃទី៨-១០ ខែមករា ទទួលឥទ្ធិពលពីទ្រនុងសម្ពាធខ្ពស់ (ចិន) និងខ្យល់មូសុងឦសានក្នុងកម្រិតពីខ្សោយទៅមធ្យម ។
  ស្ថានភាពបែបនេះនឹងធ្វើឲ្យ ៖
  ១-តំបន់ទំនាបកណ្តាល ៖
• សីតុណ្ហភាពអប្បបរមា មានពី ២១-២៤ °C
• សីតុណ្ណភាពអតិបរមា មានពី ២៨-៣០ °C
• នៅថ្ងៃទី៥-៧ ខែមករា នឹងអាចមានភ្លៀងធ្លាក់នៅក្នុងកម្រិតខ្សោយទៅមធ្យមដោយអន្លើ។

២-តំបន់ខ្ពង់រាប ៖

• សីតុណ្ហភាពអប្បបរមា មានពី ១៨-២១ °C
• សីតុណ្ហភាពអតិបរមា មានពី ២៨-៣០ °C
  • នៅថ្ងៃទី៥-៧ ខែមករា នឹងអាចមានភ្លៀងធ្លាក់នៅក្នុងកម្រិតខ្សោយទៅមធ្យមដោយអន្លើ។

៣-តំបន់មាត់សមុទ្រ ៖

• សីតុណ្ហភាពអប្បបរមា មានពី ២២-២៤ °C
• សីតុណ្ណភាពអតិបរមា មានពី ២៨-៣០ °C
• នៅថ្ងៃទី៥-៧ ខែមករា នឹងអាចមានភ្លៀងធ្លាក់នៅក្នុងកម្រិតខ្សោយទៅមធ្យមដោយអន្លើ នឹងអាចមានខ្យល់បក់ពីបង្គួរទៅខ្លាំង ។ ឯនៅលេីផ្ទៃសមុទ្រក៏នឹងកេីតមានរលកសមុទ្រពីមធ្យមទៅបង្គួរផងដែរ ។

អាស្រ័យដូចបានជម្រាបជូនខាងលើ សូមសាធារណជនទទួលជ្រាបជាព័ត៍មាន មានការប្រុងប្រយ័ត្នពិសេសតំបន់មាត់សមុទ្រ ៕ ដោយ ៖ ភារ៉ា និងប៊ុនធី