ភ្នំពេញ៖ ក្នុងជំនួបសំណេះសំណាល និងពិសាអាហារសាមគ្គី ជាមួយអ្នកសារព័ត៌មានប្រមាណ៥០០០នាក់ នាល្ងាចថ្ងៃទី១៤ ខែមករា ឆ្នាំ២០២៣ នៅមជ្ឈមណ្ឌលសន្និបាត និងពិព័រណ៍កោះពេជ្រ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានថ្លែងថា សូមក្រសួងស្ថាប័ននានា ក៉ំចាត់ទុកអ្នកព័ត៌មានជាសត្រូវ ប្រសិនចាត់ទុកជាសត្រូវ គឺគិតខុសហើយ។

សម្តេចតេជោ ហ៊ុន សែន បានបន្តថា ព័ត៌មានខ្លះក៏ខ្ញុំមិនគាំទ្រ មិនមើលមុខដែរ ព្រោះពួកគេផ្សាយមិនពិតពីកម្ពុជា ។

ជាមួយគ្នានេះ សម្តេចតេជោ ហ៊ុន សែន ក៏បានលើកពីសារ:សំខាន់នៃព័ត៌មាន។ សម្តេចបញ្ជាក់ថា ខ្ញ៉ំ មាននៅក្នុងក្រុមអនឡាញ ក្រុមតេឡេក្រាមជាច្រើន ដែលអាចឲ្យខ្ញ៉ំបានដឹងគ្រប់រឿងដែលកើតឡើងនៅតាមមូលដ្ឋាន។

សម្តេចតេជោ ហ៊ុន សែន ក៏បានចោទជាសំនួរទៅកាន់រដ្ឋមន្រ្តី រដ្ឋលេខាធិកា អភិបាលខេត្ត ស្រុកនានាថា តើអស់លោកមាននៅក្នុងតេឡេក្រាម ឬក្រុមអនឡាញដែរឬទេ ព្រោះសម័យនេះជាសម័យឌីជីថលដូច្នេះត្រូវមើលតាមរយ:អនឡាញទើបដោះស្រាយបញ្ហាបានលឿន៕ ដោយ :វណ្ណលុក