ភ្នំពេញ:
វ៉ានីឡា គឺជារុក្ខជាតិមួយប្រភេទដែលស្ថិតក្នុងអម្បូរកេសរកូល ព្រមទាំងជារុក្ខជាតិដែលមានតម្រូវការខ្លាំង ដែលរុក្ខជាតិមួយប្រភេទនេះ ត្រូ វបានគេប្រើប្រាស់នៅក្នុងវិស័យម្ហូបអាហារ ព្រមទាំង គ្រឿងសំអាង ដែលមានប្រភព ចេញពីប្រទេសលោ កខាងលិច ដូច្នេះហើយសម្រាប់កម្ពុជា ជារឿងមួយថ្មីក្នុងការចាប់ផ្ដើម សាកល្បង ដាំដំណាំនេះ។

វ៉ានីឡាត្រូវបានគេស្គាល់ថាជាដំណាំគ្រឿងទេសដែលមានតម្លៃថ្លៃចំណាត់ថ្នាក់ទី២ នៅលើពិភពលោក បន្ទាប់ពីសសៃផ្កា Saffron។ ថ្វីត្បិតថា វាជារឿងមួយថ្មីបន្តិចសម្រាប់កម្ពុជា ប៉ុន្តែលក្ខខណ្ឌអាកាសធាតុក្នុងប្រទេស ត្រូវបានអ្នកជំ នាញសិក្សាឃើញថាស័ក្កិសមនឹងដាំដំណាំប្រភេទនេះ គ្រាន់តែយើង ត្រូវការពង្រឹងបច្ចេកទេសបន្ថែមប៉ុណ្ណោះ។

មិនខុសគ្នាប៉ុន្មានពីប្រភេទកេសរកូលឯទៀត វ៉ានីឡាក៏រាប់ទុកជាប្រភេទរុក្ខជាតិដែលពិបាកដាំ និងទាមទារការសិក្សាស្រា វជ្រាវច្រើនទៅលើលក្ខខណ្ឌជីវសាស្ត្រ និងបច្ចេកទេសក្នុងការដាំ។ ម្យ៉ាងទៀត វាក៏ទាមទារកម្លាំងពលកម្មច្រើនក្នុងកា រមើលថែ និងប្រមូលផលផងដែរ។

សម្រាប់ជាជំហានដំបូង ក្រសួងបរិស្ថានបានរៀបចំនាំចូលយកពូជដែលមានតម្រូវការខ្លាំងលើទីផ្សារ មកដាំនៅក្នុងមជ្ឈមណ្ឌលស្រាវជ្រាវ និងអភិរក្សកេសរកូល សុខអាន ភ្នំគូលេន នាខេត្តសៀមរាប។ គិតមកទល់ពេល នេះ វ៉ានីឡាទាំងនោះមានអាយុពីរឆ្នាំហើយ ហើយបើតាមអ្នកជំនាញ គេត្រូវការរយៈពេល ២ទៅ៣ឆ្នាំ ដើម្បីអាចប្រមូលផលវាបាន។

លោក ចន្ធី សុមេត្តា ប្រធានការិយាល័យជីវសុវត្ថិភាពនៃនាយកដ្ឋានជីវចម្រុះ បានប្រាប់ ឱ្យដឹងថា ការដាំ វ៉ានីឡានៅពេ លនេះ ជាការសាកល្បងដ៏ធំមួយ ហើយប្រសិនបើការសាកល្បងនេះទទួលបាន ជោគជ័យ ដំណាំនេះនឹងអាចក្លាយជា ដំណាំលើកស្ទួយជីវភាពដ៏សំខាន់សម្រាប់កម្ពុជា។

លោកបន្តថា ៖ «សម្រាប់រយៈពេលពីរឆ្នាំមកនេះ វ៉ានីឡាយើងលូតលាស់បានល្អ និងមានសុខភាពល្អ ហើយអ្នកជំ នាញដែលគាត់មកមើលផ្ទាល់ គាត់ថាយើងអាចទទួលបានផ្លែនៅឆ្នាំក្រោយ»។

សួនវ៉ានីឡាដែលមានទំហំ ១០ម៉ែត្រ គុណនឹង ៤៥ម៉ែត្រនេះ កំពុងតែលូតលាស់យ៉ាងល្អ ដោយ ទទួលបានការមើលថែ យ៉ាងដិតដល់ពីសំណាក់មន្ត្រីឧទ្យានុរក្សនៅក្នុងមជ្ឈមណ្ឌល ហើយវាត្រូវ បានគេរំពឹងថានឹងអាចរកចំណូលបានប្រ មាណ ៥ពាន់ដុល្លារក្នុងមួយឆ្នាំ។

បើតាមការបញ្ជាក់របស់លោក ចន្ធី សុមេត្តា ដដែលបាន ឱ្យដឹងថា ដំណាំវ៉ានីឡានេះ អាចផ្ដល់ទិន្នផលយូរអង្វែង គឺពី ១ ២ ទៅ ១៤ឆ្នាំ ដោយគ្រាន់តែត្រូវរង់ចាំ ២ ទៅ៣ឆ្នាំនៃការដាំដំបូងប៉ុណ្ណោះ ដែលធ្វើ ឱ្យ ក្រសួងដាក់ការខិត ខំប្រឹងប្រែង ធ្វើ ឱ្យការដាំសាកល្បងនេះទទួលបានជោគជ័យ។

លោក ចន្ធី សុមេត្តា បន្តថា ៖ «ផ្លែវ៉ានីឡា យើងអាចលក់បានក្នុងមួយគីឡូ ៥០០ ទៅ ៧០០ ដុល្លារ ទៅតាមប្រភេទរបស់វា ហើយគ្រាន់តែ២ផ្លែក៏អាចមានតម្លៃ ១០ ទៅ ១៥ដុល្លារដែរ»។
បើសិនជាទទួលបានជោគជ័យ មជ្ឈមណ្ឌលអាចនឹងពង្រីកការដាំរបស់ខ្លួនបន្ថែមទៀត ដើម្បីបង្កើនប្រា ក់ចំណូល ហើយគ្រោងនឹងចែកជូនពូជទៅតាមសហគមន៍ដែលមានតំបន់ការពារ ធម្មជាតិ ដើម្បីបង្កើតការងារដល់ពួកគេផងដែរ៕
ដោយ:បុស្បា