ហែលស៊ិនគី៖ អគ្គលេខាធិការអង្គការណាតូ លោក ជែន ស្តូលធិនប៊ឺគ នៅថ្ងៃអង្គារសប្តាហ៍នេះថ្លែងថា អ៊ុយក្រែននឹងក្លាយជាសមាជិកនៃសម្ព័ន្ធភាពយោធាដែលដឹកនាំដោយសហរដ្ឋអាមេរិកនេះនៅក្នុងរយៈពេលវែង ប៉ុន្តែបានសង្កត់ធ្ងន់ថា អ៊ុយក្រែននៅតែជាប្រទេសឯករាជ្យមួយ ក្នុងការប្រឈមមុខនឹងការឈ្លានពានរបស់រុស្ស៊ី។

លោក ស្តូលធិនប៊ឺគ បានប្រាប់អ្នកយកព័ត៌មានក្នុងអំឡុងពេលបំពេញទស្សនកិច្ចទៅកាន់រដ្ឋធានីហែលស៊ិនគី ប្រទេសហ្វាំងឡង់ថា សម្ព័ន្ធមិត្តណាតូបានយល់ព្រមថា អ៊ុយក្រែននឹងក្លាយជាសមាជិកនៃសម្ព័ន្ធភាពរបស់យើង ប៉ុន្តែនេះគឺជាទស្សនវិស័យរយៈពេលវែង។

ដោយឡែកប្រទេសហ្វាំងឡង់ដែលមានព្រំប្រទល់វែងបំផុតមួយរបស់អឺរ៉ុបជាមួយរុស្ស៊ី នៅថ្ងៃអង្គារសប្តាហ៍នេះ បានចាប់ផ្តើមការជជែកដេញដោលក្នុងសភា ក្នុងគោលបំណងពន្លឿនការដេញថ្លៃរបស់ប្រទេសនេះ ដើម្បីចូលរួមជាមួយអង្គការណាតូ ដោយបង្កើនលទ្ធភាពដែលខ្លួននឹងទុកឱ្យប្រទេសជិតខាង និងដៃគូយោធាស៊ុយអែតនៅពីក្រោយ។

បន្ទាប់ពីមានការរំជើបរំជួលដោយការលុកលុយរបស់រុស្ស៊ីលើអ៊ុយក្រែននោះ ហ្វាំងឡង់ និងស៊ុយអែតបានទម្លាក់គោលនយោបាយមិនចូលបក្សសម្ព័ន្ធរយៈពេលជាច្រើនទសវត្សរ៍របស់ពួកគេ ហើយបានដាក់ពាក្យចូលរួមជាមួយអង្គការណាតូកាលពីខែឧសភាឆ្នាំមុន៕ ប្រភព៖ AFP ប្រែសម្រួលដោយ៖ ទីណា